|
Prensa nan di Chile di bishita na Aruba |
 |
 |
|
Wednesday, 13 February 2013 16:01 |
|
Recientemente tabata di bishita na Aruba invita door di Aruba Tourism Authority un grupo selecta di periodistanan procedente
di Chile. E biaha aki ta un combinacion di un canal di TV di Chile “ Megavision “ cu Sr. Fransisco Calmels & su camera man Sr. Arthuro Espinoza, tambe Srta. Evelyn Pfeiffer di e revista “ La Tercera “ y di un di e corant nan mas grandi na Santiago Chile “ El Mercurio “ Sra. Magdalena Andrade. Sr. Ricardo Croes di ATA a keda encarga cu e grupo aki y a coordina un programa hopi intensivo pa nan, durante nan estadia na Aruba. E grupo di TV Megavision a hospeda na Tamarijn Resort mientras cu Srta. Evelyn y Sra. Magdalena a keda na Divi Phoenix Resort. Nan a keda hopi impresiona cu Aruba su carnaval y tambe a bishita hopi di nos atraccion nan turistico. Loke cu mas nan a gusta ta e trato y amalidad di tur hende ariba caya y durante e parada di carnaval. Durante nan estadia nan a ripara cu tabata tin basta bishitante di Chile, y awor cu Aruba ta bay ricibi 20 minutes air time di Megavision, lo ta un promocion hopi efectivo pa nos Mercado Chileño. Sr. Ricardo Croes a wordo entrevista door di e canal nan di TV di Megavision di Chile y tambe RCN di Colombia. Ariba e potretnan por aprecia Sr. Croes junto cu Miss Universe Aruba Srta. Lisa Helder durante un entrevista na Tamarijn y tambe Miss Mundo Lariza Leeuw junto cu Marvel Vilchez di Brickellbay na Sand Bar. Tambe nan a bishita e famoso Charlies bar.
 |
Mustra/Kita e formulario di comentario
