| Rudy Lampe:Control financiero riba gobierno di Aruba ta na caminda |
 |
 |
| Wednesday, 13 February 2013 10:42 |
 E presidente di partido RED tabata di bishita na Hulanda, unda e a sostene diferente encuentro. E meta di e bishita tabata pa pone e mundo politico di Den Haag na altura di e situacion financiero di e Pais Aruba. Riba e portret por mira Rudy Lampe den compania di Ronald van Raak, miembro di Tweede Kamer y di e fraccion di SP.
Gabinete Mike Eman ta bai den historia como e gobierno cu mas a malgasta placa di pueblo. Nos debe nacional a subi sin precedente y e empobrecimento di e clase media nunca a bai asina acelera. Mas debe y mas pobreza ta e resultado di Gabinete Mike Eman. Tur hende ta sinti cu bo florin bal menos y esaki ta consecuencia directo di e forma di a hiba nos finanzas publico. E maneho financiero di un gobierno ta directamente relata cu e capacidad di compra di bo florin. E opinion generaliza na Den Haag ta cu Gabinete Mike Eman por wel di lubida cu lo honra su peticion pa por fia riba mercado internacional na un interes mas abao cu garantia di Hulanda. Es mas, tin mas voz ta bisa cu control financiero mester bin riba gobierno di Aruba. Presidente di partido RED a mustra apoyo na e idea pa bin cu un tipo di ‘financieel toezicht’ riba gobierno di Aruba, pasobra esei ta cumbini interes general. Dor cu nos tin un ‘stempelparlement’ esaki ta e unico manera pa frena e malgastamento di placa di nos gobernantenan. For di 10-10-10 e otro islanan ta bao control financiero di Reino Hulandes. No necesariamente Aruba lo mester haya e mesun forma di supervision financiero, pero un forma di supervision financiero ta necesario. Hulanda mes ta cai bao di un tipo di supervision financiero di Union Europeo. Den futuro cercano por spera cu un tipo di supervision financiero ta bai keda aplica riba gobierno di Aruba di parti di gobierno di Reino y partido RED ta aplaudi esaki. Comentarionan (4)Mustra/Kita comentarionan ...
@Uncle Ed, si nos placa devalua, nos lo ta un paso mas serca di communismo of dictadura toch??? Ta independencia so nos falta... Dr. Eva Latham ta keda haya rason. Politburo? Universidad di Aruba...ta kende a laga trah'e??? Comerciantenan grandi???
,
February 13, 2013
...
Con awor Hulanda ta bin controla nos? Hulanda su deficit mes ta asina halto cu nan mester tuma un cantidad di medida. Manera rebaho di cuido pa su grandinan. Ta cuanto negoshi a cera na hulanda anja pasa? Masha hopi mes. Na tur pais rond mundo tin deficit negativo. Niun pais rond mundo tin plus. Bo mester inverti pa haya bek. Of no.
,
February 13, 2013
Duna Comentario y/of Comparti riba Social Medi |
Mustra/Kita e formulario di comentario
Awor ta hopi laat caba pa bin controla nos financianan. E baka a hoga caba. Ban spera cu Aruba no lo conoce un devualacion di nos florin, manera ta e caso cu Venezuela unda Chavez tambe a hunga Sinterklaas cu placa di e pueblo. Wanta duro shonnan!