Thursday, 28 August 2014
Jose Maria Figueres ta presidi Comision Oceano Mundial Print E-mail
Tuesday, 12 February 2013 22:25

josemaria figueres

Jose Maria Figueres, presidente di Carbon War Room, ken a causa hopi bon impresion na Aruba durante e Green Conference anja pasa, y cu a firma un acuerdo cu gabinete Mike Eman riba energia alternativo, for di awe 12 di Februari ta presidi e Comision Oceano Mundial, cu ta un comision mundial cu ta preoteha e oceanonan y cu ta agrupa lidernan internacional cu e meta di frena e degradacion di e oceanonan y restaura su salud y productividad.

E expresidente di Costa Rica, ta lidera for di awe na London, e comision aki ta comparti e mesa cu e minister sudafricano Trevor Manuel y e ex minister di Asunto Exterior di Reino Uni David Milliband. Ta parti di e comision tambe diferente ex hefe di Estado, ex ministernan di Asuntonan Exterior, Finanza y Medio Ambiente mescos empresario y specialistanan den desaroyo. E Comision Oceano Mundial lo analiza e menazanan principal cu ta afecta awanan internacional designa como “lama alto” cu ta un area cu ta coresponde na casi mitar di e superficie di e Planeta Tera y no ta pertenece na ningun pais. Den un comunicado di prensa Jose Maria Figueres ta bisa “E oceano global ta un bien esencial pa salud y bienestar di nos tur. Aunke e ta duna nos e mitar di oxigeno cu nos ta hala rosea cune, y cu e ta absorba como un cuater parti di nos emisionnan di dioxido di carbono, e forma con nos ta anda cune no ta na altura di su balor real”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter