Monday, 01 September 2014
Bon trabou di partido AVP a haci un cos riba ruta di Carnaval Print E-mail
Tuesday, 12 February 2013 21:54

avp caha

Miembronan di partido AVP compaña pa un cantidad grandi di hoben y bou guia di e dinamico lider di partido AVP Mike Eman a parti cahanan di sushi riba e rutanan di Carnaval di San Nicolas y Playa. E accion aki cu a hiba e nomber acogedor ‘Bon Trabou’ a wordo ricibi cu un entusiasmo enorme dor di hendenan para na banda di e ruta.

E cayanan tabata vibra ora cu e grupo tabata yega cerca y mannan habri tabata acepta e cahanan bunita decora. Aparte di ta bunita e cahanan ta sirbi un meta masha noble. Nan tey pa tira sushi den nan y asina mantene e rutanan di Carnaval limpi despues cu e paradanan a pasa. Asina tambe aliviando e trabou di Serlimar. Un accion cu ta tuma lugar pa basta aña caba y ta ilustra loke partido AVP ta para p’e. Un Aruba limpi, un Aruba dushi, un Aruba sin sushedad, un Aruba na unda nos tur kier biba y cu e turista ta gusta bishita. For di oranan tempran di diasabra mainta e prome grupo di partido AVP a cuminsa cu e trabou di parti caha na San Nicolas. E solo tabata cayente, pero mes cayente y inspirativo e ambiente tabata. E acogida tabata grandi. Unda cu e grupo a yega el a wordo ricibi cu aplauso. Lider di partido AVP Mike Eman tabata wordo cuminda cu hopi ternura y amor. E tabata wordo felicita pa e bon trabou cu su gobierno y en particular pa e bon trabou cu e mes como Prome Minister ta haciendo, cumpliendo cu e meta y retonan cu el a pone su dilanti. Sin duda un bon trabou! Den oranan di diasabra anochi e team di partido AVP a prepara pa bolbe subi caminda y e biaha aki a sali for sdi Cas di Partido AVP. Di eynan nan a bay riba e ruta di Carnaval di Oranjestad. E musica contagioso di Youth Xtreme a pone cu e grupo grandi a subi baliando riba caminda y di e forma aki reparti e cahanan pa esnan cu ta para eynan pa mira Carnaval. Mas di 1300 caha a wordo reparti cu ta un cantidad considerabel. AVP un bes mas ta demostra su envolvimento den e miho forma cu tin. Na final tur hende tabata contento cu un trabou bon haci!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter