Wednesday, 23 April 2014
Aeropuerto Reina Beatrix a gana e ‘Routes Airport Marketing Award’ Print E-mail
Tuesday, 12 February 2013 19:44

Airport AAA
Minister Oduber durante conferencia di prensa caminda a auncia logronan grandi den turismo, a probecha e ocasion aki pa orguyosamente felicita aeropuerto di Aruba cu a bira e ganador di ‘Routes Airport Marketing Awards’ pa e categoria bou di 4 miyon pasahero.

E mandatario a indica cu den e ultimo 10 aña den desaroyo di aeropuerto a competi den e premiacion aki, cual ta uno di esunnan di mas halto cu por tin den industria aereo. Pa 8 aña consecutivo Aruba su aeropuerto a keda na di dos lugar, pero e aña aki a logra e premio maximo. Es decir, nos aeropuerto ta esun mihor den mundo pa loke ta trata aeropuertonan cu ta atende menos di 4 miyon pasahero. Peter Steinmetz director di AAA, kende tabata presente durante e conferencia di prensa tambe, a indica primeramente cu e ta contento di por forma parti di un crecemento den turismo di Aruba y a agrega cu esaki ta un logro di un bon “team work”. Pa loke ta trata e premiacion aki, director di aeropuerto a bisa cu AAA tin 8 biaha participando pa e Airport Airline Marketing, di cual e ta sali semper un runnerup. Pero e biaha aki el a haya e grato noticia for Cartagena, caminda e ceremonia a tuma lugar, cu nos aeropuerto a ricibi e premio maximo. Peter Steinmetz a duna di conoce cu e premio aki no ta uno cu AAA lo por a gana dor di pone un aviso den revista, pero mas ta danki na un panel di hurado cu ta consisti di directornan di diferente aerolineanan cu ta aprecia Aruba y e servicio optimal di AAA. Na mes momento el a agrega cu ATA a gana e premio pa Best Destination Marketing y esaki sigur a contribui na hiba e Aeropuerto Reina Beatrix na e titulo absoluto. Probechando e ocasion aki, director di aeropuerto a haci uso di e oportunidad pa elogia Minister Otmar Oduber pa ta un Minister activo cu ta sigur un persona cu merece un premio pa e mihor Minister.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter