| Ladronicia den Cas Na Savaneta - Pero ladron a keda graba! |
 |
 |
| Tuesday, 12 February 2013 18:32 |
|
Durante fin di siman tras di lomba tabatatin bastante cas cu a haya bishita di ladronnan. Un cas grandi na Savaneta a wordo bishita pa un ladron cu a drenta via bentana y a cana bay den un camber di e muchanan y a horta un Nintendo Wii Game cu wega di Super Mario Bros den dje bay cu ne. Loke e ladron aki no tabata sa, ta cu e cas aki tin un systema di camera scondi masha moderno y sofistica cu por saca video den color bibo hasta den anochi scur. Na momento cu e ladron a pone pia door di e bentana ya e camera a capta tur su movecionnan, su cana den e gang pa e otro camber a wordo graba y e momento cu el a pone man riba e Wii y cana bay cu ne bek pa e bentana caminda el a drenta. E camara tin un grabacion masha claro cu bista cla cla di e ladron, y den pleno color. Doñonan di e cas a informa e noticiero aki cu mirando e edad di e ladron, nan a dicidi cu si e ladron trece a aparato completo bek cu su wega, nan lo laga e asunto te eynan. Nan ta duna e ladron dos dia, esta te Diabierna atardi pa trece e Wii completo bek y nan lo no manda e video pa polis. Pero, si e ladron NO trece e Wii bek, nan lo publica su portet den TUR corant pa Dialuna mainta, y tambe lo laga pasa e video na TUR canal di Television Dialuna anochi. Despues lo entrega keho y e video na Polis pa nan pick up e ladron. Su castigo lo ta sigur mirando cu e video ta mustr’e den pleno accion cu man den mansa. Aki mas claro no canta un gayo. E ladron aki a wordo avisa di antemano cu e cas tin camera, pero el a sigui drenta sin mas y horta bay. Si No trece e WII bek el lo paga e prijs pa su fechoria. E por trec’e bek y djies pone riba e airco pafor sin mester identifica su mes como cu nan sa caba ta ken e ta. Ta conoci cu ta basta cas ta haci esaki y tin bon vigilancia 24 hora por medio di cameranan scondi manera ta e caso cu e cas grandi aki na Savaneta. Esaki sigur ta un di e maneranan cu nos por frena e fechorianan cu ta tumando lugar den nos hogarnan rond di e isla. Nos sigur lo coopera pa publica portet di cualkier ladron pa yuda frena e problema grandi aki. Ban spera cu e ladron aki lo ta suficiente sabi pa evita lo peor y trece e aparato bek pa su doño si no su berguenza y castigo lo ta hopi grandi! Comentarionan (7)Mustra/Kita comentarionan ...
Bo ta dunando e l****n ki 2 dia pa e entrega e WII y si ta asina bo no lo raporte na polis? Come on asina bo no ta yuda combati criminalidad. Su bo raporte, e lo haya un record di l****nicia y asina nos ta mustra e l****nnan eyfo cu nos no ta permiti nan haci kiko nan kier. Mester raporta y si por, publica ken e ta, pa e haya berguensa of pa polis hibe sera un par di ora. Algo ta algo!!! No haci nan bida facil!!
,
February 12, 2013
...
@ Full fout, mi ta 100% di acuerdo cubo. Of e donjo di e cas ta bluffing cu e tin high tech cameras cu a wak e l****n cla cla den HD.. Haha, djis un strategie pa spanta e l****n. Pero toch nunca bo ta sigur, dus djis tuma bo lucky chance y hiba e Wii bek na e donjo anto scapa prison.
,
February 12, 2013
...
e donjo di e cas ta conoce e l****n bon bon ken e ta. pesei e no kier jama polis dibiaha.
,
February 12, 2013
...
Cu tur e aparato caro y cu aviso adelanta, toch no ta juda, e l****n sa cu si e wordo gara, e lo no hanja hopi castigo.
Ami lo pone "Bubby-Trap" den e cas, elo sali for di e cas, pero sin wowo, sin un banda di pia, man, jen bolobonchi y pata pata di bonconco. Sin horta nada y hamas lo e bolbe.
,
February 12, 2013
Duna Comentario y/of Comparti riba Social Medi |
Mustra/Kita e formulario di comentario
