Fundacion Aruba Uni cu The First Time Voters Conference 2013

Tuesday, 12 February 2013 18:18

Dia 23 di februari lo tuma lugar e promer conferencia informativo riba e derecho di e persona pa eherce su voto: The First Time Voters Conference 2013 “Laga Bo Voto Conta!” lo tuma lugar na Westin Ballroom. E conferencia mes lo ta di 6 or di atardi pa 8 or di anochi pero lo tin un pre-registracion di 5:30 pa 6:00 or di atardi.

Na Aruba tin 15% di personanan cu no ta eherce nan derecho di voto y loke nos kier logra cu e conferencia aki ta pa educa nos hendenan y hobennan riba nan derecho pa asina aki purba baha e porcentahe aki.
E obhetivo principal di The First Time Voters Conference 2013 ta pa stimula e hobennan cu lo eherce nan derecho di voto e aña aki pa prome biaha pa nan haci uso di nan derecho di voto y educanan pa nan por vota conciente.

Lo trata tambe diferente topiconan manera:

Leynan Electoral, e pakico vota ta importante y mucho mas.
Pa loke ta trata e panelistanan, nos lo tin panelistanan cu experiencia riba e topico di leynan electoral como tambe panelistanan hoben cu lo presenta e importancia di un voto.

Durante e siguiente 11 dianan nos lo ta posting diferente informacion riba nos Facebook Page cual ta First Time Voters 2013 di sea e conferencia of e topico mes.

E ta hopi importante pa menciona cu pa asisti na e conferencia aki bo mester registra. Esaki por wordo hasi desde awe mes, sea via nos Facebook Page of via nos email cu ta ftvconference2013@gmail.com">ftvconference2013@gmail.com. Tambe nos lo tin representante na e diferente Mavo-Havo y avondscholen, cual hobenan por acerca pa registra cerca nan. Nan nomber lo wordo posted riba nos Page.

Nos lo kier invita tur hoben pa participa cu nos video competition cuminsando for di awe te cu dia 21 di februari. E idea tras di e competencia aki ta pa ABO como un first time voter graba un spot contestando e siguiente pregunta: “Pakico pabo ta importante pa eherce bo voto e aña aki?”. E video aki mester wordo uploaded riba nos FB Page, invita bo friends pa like nos FB Page y e 3 top videonan cu ricibi mas like lo por gana premionan extraordinario.

Tambe nos lo tin mas premionan pa e personan / hobenann cu like y share nos FB entrante awe.
Tur premio lo wordo anuncia na e First Time Conference 2013 dia 23 di februari y ganadornan mester ta presente e anochi aki pa ricibi esakinan.

Fundacion Aruba Uni ta kere firmemente cu hobennan tin e capacidad di significamente contribui den e formacion di e futuro di Aruba, esaki dor di forma parti den e proceso electoral y dor di eherce nan derecho di voto.

Pa finalisa nos kier anuncia cu despues di e conferencia nos lo tin un afterparty na Local Store di 8:30 te cu 12 or cu Live Performance di Upgrade Music, Dj Karixon y como special guest nos lo tin Dj Nutzbeatz.

Pa tur otro informacion corda Like & Share nos Facebook Page!