Thursday, 21 August 2014
CAO di New India ta curu pero ya caba presente na Mediador Print E-mail
Friday, 08 February 2013 22:15

New India

Aunke no ta mira motibo tog por a mira cu e representantenan legal di New India Assurance tabata na mediador hunto cu sindicato di nan trahadornan STA. E ta straño pasobra bati na porta di mediador ta na momento cu e situacion ta malo entre e dos partidonan na mesa. Ta recien un cantidad di trahador a logra afilia na e sindicato despues di e referendum.

E compania tin e obligacion di sinta na mesa pa atende cu e contrato colectivo pa e trahadornan hunto cu e sindicato. Un representante di e sindicato den e compania tabata sinta banda di e presidente y vice presidente di STA cerca mediador. Dos abogado ta atendiendo e asuntonan pa New India. Ningun miembro di gerencia tabata tey. Awor aki mas bien ta papiando di cierto puntonan di trabao cu no tin di haber cu e Contrato Colectivo mes. Mirando cu ta prome CAO naturalmente e dolornan di e compania ta bin riba mesa via e abogadonan di New India. Parce cu STA a wordo poni na altura tambe cu nan mester sinta na mesa sin mediador. Mediador no por ta sinta den un negociacion manera un refree. Mediador tey ora cu cosnan pega y no tin salida mas pa e problema di un CAO. Ainda e asuntonan mes mes cu tin di haber cu beneficio di e trahadornan no a ser treci riba mesa pa cuminsa wordo negocia.

Comentarionan (1)Add Comment
Ta kiko ta pasando?
February 09, 2013
201.229.26.38
Votes: +0
...

A sali den corant aki na Aruba, poco luna pasa, cu e compania ey ta 100% propiedad di gobierno di India, y a laga sa cu nan tin solamente 1 empleado na Aruba.... Awor, ta kende e abogadonan ey ta representa anto; Gobierno di India??? Si ta asina, ta gobierno di Aruba su abogadonan mester sinta na mesa cu e abogadonan di gobierno di India....of no?????

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter