Saturday, 23 August 2014
Pasenshi den trafico ta e mihor cos pa evita e cantidad di desgracianan Print E-mail
Friday, 08 February 2013 21:53

muller

Den entrevista cu Ricardo Muller inspector hefe di trafico el a splica un tiki riba e cifranan di desgracia. December di 2012 tabata tin 730 accidente registra cu ta halto. Asina tin otro cifranan. En total di casi 8000 accidente a keda registra den 2012. Tabata tin accidentenan tambe cu polis no a bai pero e seguro a manda e hendenan polis.

Esaki tabata alrededor di 285 durante e 2012. Aunke polis tabata hopi visible riba caya trahando procesverbal na cantidad tog cos a cana robez. 4852 procesverbal a wordo traha. E cantidad di accidente a keda halto. E solucion di accidente no ta solamente polis por soluciona esaki. E propio chauffeur mester comporta nan mes den e trafico. Pa un isla chikito manera Aruba nos tin un cantidad grandi di auto extra riba caya. Ricardo Muller a splica cu mester bin mas caminda pa e autonan tin chens di core. E comportacion den trafico coriendo duro etc awe ta causanan principal. Tur hende pura ta core pa core tambe ta un factor. Tin biaha bo ta puntra dikon mester core duro y no comporta nos mes den trafico. Pasenshi den trafico tambe ta importante. Nan a mira con anja pasa hendenan ta lanta marduga pa cumpra un celular na bon prijs kedando dianan largo cu tur nan santo pasenshi. Pa trafico hende no tin pasenshi. Esaki ta cosnan cu no por y e controlnan cu man duro dor di polis ta sigui. Mester keda cortez den trafico segun Ricardo Muller. Anja pasa tabata tin hopi menos test di alcohol den trafico pasobra machine di test tabata malo y bieu. Awor nan a haya ekipo nobo y el a cuminsa duna su fruto caba segun Ricardo Muller e hefe di departamento di trafico. E hefe di trafico a splica cu carnaval su temporada mester wordo goza sanamente. Si bo ta bebi laga otro hende core auto pabo. Alcohol no ta caba y pesey no bebe alcohol pa loco. Controlnan lo sigui prome cu e temporada di carnaval pasa. Ora ta temporada di carnaval semper mester paga e multa mesora. Tin multanan te hasta di 900 florin cu a wordo paga mesora. Actualmente den cada distrito tin un machine. E proceso di test ta tarda masha hopi mes. Pa ora cu e sospechoso bao influencia di alcohol keda deteni ta dura prome cu haci e test. No mester warda hende den rij pa testnan. E machine ta hopi bon mes y ta tuma su tempo. No mester rush pa haci un test. Semper tabata tin bon deal cu e compania cu a entrega e ekipo di test. Tempo e machine ta nobo e cosnan tabata bai corecto. Cada tanto tempo e machine mester a wordo gekeur. Nunca den pasado tabata tin asina tanto problema. Pero polis mas bien tabata kier machine nobo y esakinan a yega tambe. Pesey mes den e prome sali den un actividad anochi na San Nicolas a haci 12 detencion di chauffeurnan burachi di cual 7 a perde nan rijbewijs.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter