Friday, 31 October 2014
Santa Rosa ta pidi ayudo di nos comunidad pa haya datos di piscadornan perdi riba lama Print E-mail
Friday, 08 February 2013 16:24

Front Caribbean fishers boat

Santa Rosa ta buscando informacion pa asina compila un lista di tur e piscadornan cu ta perdi riba lama. Nos ta pidi comunidad di Aruba, pa yuda nos compila e lista di piscadornan cu a perde ariba lama. E intencion ta pa purba bai te cu 50 aña pasa, di mas o menos principio di aña 1960 bin ariba. Nos a tuma contacto cu varios instancia pa trata na compila e informacion, pero lamentablemente, mayoria di e organisacionnan no por a suministra nos cu e informacion. E informacion cu nos mester ta e nomber completo di e piscador/nan, e fecha (dia, luna y aña) cu nan a perde ariba lama, nomber di boto y eventualmente potret di e boto y/of persona. A base di e lista menciona, Santa Rosa lo traha un buki conmemorativo pa e piscadornan cu a perde ariba lama. E buki aki lo wordo publica na ocasion di Dia di Piscado, cu e aña aki lo wordo celebra dia 6 di juli 2013. Riba e mesun dia aki lo desvela tambe un monumento pa recorda tur piscador cu a perde riba lama. Nos ta haci e peticion aki na publico general, pero principalmente e familiarnan cu tin un ser keri cu a yega di perde ariba lama. Tambe e por ta un amigo, bisiña cu tin amistad cu a yega di perde ariba lama pa tuma contacto cu nos via tel 586-0820. Puntra pa Castro Perez. Tambe tin e posibilidad di manda nos mensahe ariba facebook di Hadicurari Centro di Pesca, Santa Rosa of Aruba Reef Care. Tambe por jama Santa Rosa na Piedra Plat tel: 585-8102. Puntra pa Sra. Glenda Bareno. Nos ta gradici boso di antemano pa e información cu por suminstra.

album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter