Saturday, 19 April 2014
Celebracion di Carnaval na FAVI Print E-mail
Friday, 08 February 2013 16:14

Front DSC06163

FAVI, Fundacion Arubano di esnan Visualmente Incapacita a tene su celebracion di Carnaval na centro di FAVI diahuebs 7 di Februari. E aña aki e tema di carnaval na FAVI 2013 tabata “Fiesta di Blaas”. E tema di blaas y tur su contenido ta un idea y actividad realisa dor di Tamara Dijkhoff, stagiaire di EPI cu ta haciendo su periodo di practica na FAVI den ramo di Guia di Actividad. Tur cliente a disfruta di weganan manera seso sport y un competencia di wega di blaas. E premio di “Best Dressed” a bay pa Candida Maduro kende a bin cu un bunita disfraz colorido cu fantasia di strik di regalo. Tambe na un manera hopi diferente FAVI a eligi su Rey y Reina di FAVI. Esaki a bay bou di un competencia di baile cu blaas entre e parehanan. E wega tabata hopi competitivo y pa medio di aplauso y animacion e clientenan a eligi e Rey y Reina di FAVI cual a keda den man di Haime Tromp y Sharin Croes . Clientenan a pasa un momento hopi ameno y tabata contento di por a gosa riba e dushi musica di carnaval, hunto cu e actividad hopi bon anima boluntariamente dor di Sr. Roberto A. Geerman. FAVI kier a gradici tur e boluntarionan cu semper ta yuda haci nos actividadnan unico, tambe nos kier a gradici specialmente Roberto Geerman cu a anima tur cliente y boluntario cu actividadnan e mainta aki . Un danki tambe na tur otro persona cu di un of otro forma a coopera pa asina nos actividad tabata exitoso un biaha mas. Riba combinacion di potret por aprecia mas di e celebracion aki.

album album album
album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter