Monday, 20 October 2014
Aruba tin Polis Ambiental atrobe Marlon Pietersz y Roland Croes a huramenta dilanti Minister Dowers Print E-mail
Friday, 08 February 2013 15:02

front 05feb13-minjo-b-cutyinspector-groep-kl

Aunke tabatin un necesidad grandi, pa varios aña Aruba no a conoce un departamento di Polis Ambiental. Cu desaroyonan tumando luga for di basta aña, unda entre otro residentenan di Aruba a crea dumpnan ilegal ariba terenonan priva y otro situacionnan a wordo crea cu ta causando hopi molester den diferente bario, a dicidi di reinstitui e departamento aki. Recientemente Marlon Pietersz y Roland Croes a huramenta como agentenan di polis extraordinario (buitengewoon agent) dilanti Minister di Husticia Arthur Dowers. Cu esaki Pietersz y Croes den nan funcion di City Inspector a adkiri e autoridad y instrumento legal pa actua contra sushamento ilegal di nos isla. Asina ministerio publico por persigui na un manera mas eficaz esnan cu comete un infraccion. E departamento City Inspector ta resorta bou di ministerio di medio ambiente y e intencion ta pa e departamento crece te na 13 polis extraordinario. Na e huramentacion tabata presente Minister di Medio Ambiente, Benny Sevinger y Leslie Merkies, kende den pasado a huramenta dilanti ex-minister Watty Vos (dfm) como e prome polis ambiental di Aruba, como tambe funcionarionan di departamento huridico y legislativo y e ministerionan di husticia y medio ambiente.

album album album

Comentarionan (4)Add Comment
Marlon Pieters
February 09, 2013
201.229.31.165
Votes: +1
...

Shonnan e NO jama Polis Ambiental. E departamento jama Bureau City Inspector y e tin su City Inspectornan. Polis Ambiental ta un otro afdeling. Please no bruha. Masha danki. Mi t spera cu nos por hasi nos trabao bon y spera cu tur hende yuda tene Aruba limpi. Corda cu ta nos tur ta hasi y tene e isla aki nechie.

Yendelman
February 08, 2013
201.229.10.75
Votes: +1
...

First stop ta na Papito Towing pariba di Topcar, nan tin e lugar nawerki yen di azeta.

Ban serio
February 08, 2013
201.229.8.142
Votes: +1
...

Welcome back Marlon bin biS**ta Sividivi un supermercado y un restaurant chines apenas un luna ja tin miles di caja y criadero di DJAKA

johantromp
February 08, 2013
201.229.19.220
Votes: +0
...

Porfin cosnan a cuminsa cana den e bon direcshon cu nos eterno City Inspector. The right men, on the right place. Pabien Pietersz. Ban cuminza pone man na obra awo. I mi ta spera cu pueblo coopera en grandi cu nos City Inspector, pa nos mantene nos isla limpi, limpi.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter