Thursday, 24 July 2014
Soñonan ta bira realidad pa ganadornan di Fun Treats Print E-mail
Friday, 08 February 2013 14:57

Dream Treat Maria Elizabeth Koolman Ginali Tromp Lisette Kock Lisette Quilotte Shirley Peterson

Fun Miles, e programa mas grandi y exitoso pa spaar y cambia punto di Caribe, a anuncia awe e feliz ganadornan di e campaña di fin di aña di ‘Fun Treats’. Den un principio e campaña tawatin diferente oferta nan espectacular. Tawatin alabez oportunidad pa clientenan di Fun Miles mes bin cu ideanan/soñonan cu nan ta desea pa bira realidad. Esakinan nan por a mail na funmiles.net.

Un hurado a scohe e 5 ideanan mas creativo, y Fun Miles lo haci soño di e personanan aki bira realidad. Fun Miles a cumpli 15 aña y ta hopi contento di por ofrece e premionan aki. Fun Treats y Dream Treats Durante fin di aña, clientenan por a disfruta di diferente oferta, manera rebahonan, ‘giveaways’ y hopi extra Fun Miles. Tambe clientenan por a participa na e competencia ‘Win your own Dream Treat’ door di manda un soño cu nan lo kier mira bira realidad na balor di 100.000 Fun Miles. E ideanan di mas creativo y atractivo awor Fun Miles ta haci realidad. E ganadornan A forma un hurado di profesionalnan creativo cu durante añanan a traha na diferente campaña pa Fun Miles, cual ta; Willem Blankenburgh, Farley Lourens y Nancy Heldewier-Halabi. Cu dedicacion a scohe e ganadornan; Lisette Kock, Maria Elizabeth Koolman, Shirley Peterson, Lisette Quilotte y Ginali Tromp. Algun di e ideanan cu a manda pa ‘Dream Treat’ tawata emocionante. Por ehempel señora Koolman su soño ta pa bai Costa Rica pa despues di 23 aña bolbe mira su ruman homber. Fun Miles ta felicita tur esnan cu a gana y ta desea nan di curason hopi placer cu nan premio. Tocante Fun Miles Fun Miles pa 15 aña ta é programa di lealtad pa spaar y cambia punto gratis di mas grandi di Caribe. Cu mas di 125.000 miembro, reparti riba 5 diferente isla, Fun Miles ta fuertemente ancra den comunidadnan y ta ofrece cada bez posibilidadnan nobo pa trece cosnan atractivo na alcance di miembronan di Fun Miles. Ta haci esaki hunto cu ofertanan amplio y diversifica di su socionan. Por spaar Fun Miles serca mas di 150 localidad na Aruba, Boneiro, Corsow, St. Maarten y St. Eustatius y por cambia Miles pa masha hopi producto y servicio gratis. Fun Miles semper ta e centro di atencion danki na su promocionan inovativo entre otro e conocido campañanan di fin di aña manera e campaña Fun Treats. Pa mas informacion tocante di Fun Miles? Tuma contacto cu Customer Service di Fun Miles na 588 9947 of bishita funmiles.net of facebook.com/funmiles

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter