Den Haag –  Pensionadonan Arubano na Hulanda tin e obligacion di entrega un, asina yama  ‘jaaropgaaf’ di SVB-Aruba, tur aña prome cu e fecha di 1 di maart na Servicio di Impuesto y ‘Sociale Dienst’ hulandes. E documento aki ta ensera e suma completo di pensioen di Aruba cu nan a ricibi durante e aña cu a transcuri. Si e documento aki no keda entrega prome cu dia 1 di maart, anto e pensionado lo mester pidi un ‘uitstel’, esta solicita pa pospone entrega di su jaaropgaaf na belastingdient. Den e caso di Sociale Dienst e consecuencianan por ta grandi, si e pensionado no entrega su jaaropgaaf na tempo. Sociale Dienst den un caso asina lo stop di paga e suma adicional cu nan ta duna tur luna ariba e pensioen di Aruba. Pa hopi pensionado e suma adicional aki ta nesesario pa nan por cubri nan costo di bida. Sin e suma aki e pensionado lo confronta dificultad pa cumpli cu su debernan financiero. Mirando e urgencia y e impacto cu esaki por tin pa nos pensionadonan, Cas di Aruba  debidamente a pone SVB Aruba na altura. Den un reunion aña pasa cu director di SVB Aruba, sr. Edwin Jacobs, Cas di Aruba a mustra sr. Jacobs ariba e situacion reinante cu e jaaropgaaf cu no ta wordo manda na tempo. E tempo ey a palabra cu SVB lo percura pa e jaaropgave drenta pa mas tarda na luna di februari. Por ultimo Cas di Aruba kier a aclarea cu nan unicamente por interveni den interes di e pensionadonan biba na Hulanda, sinembargo nan no por   influencia e proceso di pago di pensioen.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi