Friday, 19 September 2014
Seminario y workshop Carnavalesco di Y.E.G.A, “Youth Empowering Generations of Aruba”, Hala Hubenil di MEP Print E-mail
Friday, 08 February 2013 13:03

IMG-20130126-00766

Diasabra 26 di januari 2013 a tuma luga na “Talk of the Town” un seminario y workshop presenta pa e Hala Hubenil di MEP: Y.E.G.A. Aki varios instancia na Aruba cu ta participando conhuntamente na e campaña nacional “I LOVE MY BODY”, a participa y trece diferente informacion clave en especialmente pa nos hubentud y nan mayornan. Instancianan cu a participa na e seminario aki ta: Famia Planea, Wit Gele Kruis, F.A.D.A y Fundacion Respetami.

E meta di e seminario y workshop aki tawata pa trece conscientisacion durante e temporada di carnaval. Topiconan cu a wordo treci dilanti riba e mainta informativo aki ta: Embaraso hubenil y prevencion, control basa riba e consumo di ‘alcohol’, y tambe abuso y negligencia di mucha.

Cifranan ta mustra cu cada aña un promedio di 142 mucha muher na Aruba entre 11 y 19 aña ta sali na estado. Hopi mucha muher a sali na estado ora nan ta bou influencia di droga of alcohol: esaki ta causa cu bo ta sinti bo liber y cu bo por tin chens di tuma otro desicionan cu or abo no ta bou influencia. Consequencianan cu embaraso hubenil ta trece cune por ta social, unda e mama hoben ta perde contacto cu su amigo y amiganan pasobra hopi tempo ta bay na e baby y hopi biaha e relacion cu e tata tambe ta desaparece, consequencianan emocional, financiero, tambe lasonan cu famia ta cambia hopi y en especial e consequencia cu esaki ta trece pa cu scol. Hopi mama hoben ta bay traha y no ta caba nan scol.

Alcohol ta wordo mira mundialmente cu e ta e substancia mas uza y cu ta mata mas hende rond di mundo. Un di e motibonan ta cu alcohol ta legal, e ta facil pa haya y ta wordo bendi casi tur caminda y tambe ta wordo uza den mayoria di celebracion. Mal uzo di alcohol ta afecta diferente aspecto den bida di un persona: Social, comunicacion, actividadnan, famia, Amistad, trabao, tambe fisico: daño na organonan interno y salud general. Tambe mental unda alcohol ta trece cune un desbalansa emocional. Mediconan ta desconseha pa hobenan bou 18 aña bebe bebida alcoholico paso e hoben tin chens grandi di wordo intoxica dor di alcohol y esaki por ta mortal.

Por ultimo e seminario aki a clausura cu informacion tocante abuso y negligencia di mucha unda cu abuso por ta: Fisico, emocional, sexual y negligencia. Abuso di mucha ta haci daño no unicamente na e mucha pero tambe na tur otro hende. Daño fisico y emocional por dura henter nan bida. Nos comunidad tambe ta sufri, paso no tin placa cu por paga pa e bidanan ruina y famianan kibra. Ta deber di cada un di nos pa yuda preveni abuso di mucha y limita e daño cu mucha y nan famia ta sufri. Negligencia y abuso di mucha no ta mescos, pero e resultado ta igual. Negligencia ta surgi unda cu tin fayo continuo pa duna un mucha e cuido y proteccion cu e mester. Corda cu nos tin un obligacion moral pa denuncia negligencia na instancianan cu por yuda. No por persigui ningun hende cu di Buena fe ta denuncia un caso.

Despues di clausura di e seminario y workshop tur presente por a disfruta di un jump in rond di pool cu entretenimento di DJ Beatz.

Pa termina mi kier a gradici tur cu tawata presente na e seminario aki en especial na nos hubentud conciente cu a lanta trempan pa forma parti di e evento aki y na mayornan cu sin falta tambe tawata presente na otro evento exitoso di Hala Hubenil di MEP: Y.E.G.A. Na nos instancianan di Aruba cu semper ta cla pa duna informacion y conscientisa  nos comunidad. Na nos Lider Evelyn Wever-Croes cu semper t’ey pa apoya nos hubentud. Na nos presidente di partido Joe Koolman, na nos Hala Hubenil Y.E.G.A pa un otro job well done! Na Talk of the Town pa e localidad Y sin falta na tur canditadonan di MEP cu tawata presente riba e diasabra fructifero aki.

Aruba nos ta den dianan festivo di carnaval unda cu cada un di nos tin e rol den nos cumunidad pa yuda un otro na momentonan cu nan mas mester di dje. “LOVE YOUR BODY” “I LOVE MY BODY”. E parti mas dificil ta encera haci lo corecto ora cu otro ta haci algo fout. Yuda nan bisa NO, y sea e role model cu abo kier wak otro ta den nos comunidad. Asina cada dia cu pasa maske cu nos ta conscientisa un persona so, cada biaha eta un otro bida cu nos ta scapa y un otro persona cu nos ta yuda pa sigui ariba e bon caminda y asina yude na tuma e mihor decisionan pa su mes pero tambe pa un otro. Den Carnaval 59, corda Aruba na cabes, conscientisa  un otro pero tambe bo mes! 

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter