Saturday, 26 July 2014
Latifa Mercera ta apela na esnan concerni: Sin carchi berde lo no permiti hende bende cuminda den paradanan di carnaval Print E-mail
Friday, 08 February 2013 00:23

front

Den un entrevista cu Latifa Mercera di Salubridad Publico, a puntre riba e control cu ta wordo haci riba e ruta di carnaval relaciona cu benta di cuminda. El a splica cu e control a tuma lugar durante e paradanan di diasabra y e parada di mucha diadomingo. Dos persona durante e control no tabata tin e carchi berde, nan a mustra e recibo di pago cu ta nifica cu nan a haci e test pero no kiermen cu nan a pasa e test.

Pa mustra esaki nan mester tin e carchi berde. E dos personanan aki den presencia di polis a ser bisa cu nan no mag bende cuminda, y nan a haya chens pa bende loke nan tabata tin e momento ey so. Latifa Mercera a haci un apelacion na tur persona cu tin e recibo cu nan a haci e test pa bay busca nan carchi berde na seccion malesa contagioso prome cu e siguiente paradanan di carnaval. Nan a keda contento cu e resultado di e control y despues di carnaval nan ta bay sinta cu e comision encarga pa bin cu reglanan mas estricto pasobra ainda tin lugar pa cambio. Por ehemplo por a constata cu tin hende ta laga baki di salada den solo y mester ta conciente cu esaki por tin resultadonan masha malo pa nan salud. Tambe a mira hende cu ta traha como cashier bao di tent sirbi cuminda loke no mag. Nan no tin obligacion di bisti handschoen pero no por sirbi cuminda pasobra ora nan mishi cu placa nan por contamina cu Salmonella y contagia e cuminda cu su consecuencianan pa e clientenan. Pa otro aña nan ta bay ta mas estricto y for di December di e aña aki, pasobra e carnaval di 2014 lo ta mas largo, nan ta bay cuminza reuni cu tur esnan concerni, pa nan sa for di tempran e reglamentonan pa nan prepara cu mas tempo y mehor pa eventonan cu lo bin y pa haci nan testnan.

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter