Wednesday, 27 August 2014
Flora de Vries ta splica di SVb: Mester haci onderzoek riba cantidad dicibel produci den carnaval pa traha preventivo Print E-mail
Friday, 08 February 2013 00:21

Flora de Vries

Den un entrevista cu Flora de Vries Petronilia, Arbo Adviseur na SVb, a puntre riba e cuido di oido. E parti di prevencion ta hopi importante. Na cualkier actividad e sonido mucho duro por afecta bo oido despues di algun anja, un sonido di 80 decibel bay ariba ta causa danjonan. Asina mes tin manera pa evita cu e sonido ta afecta bo oido.

Uso di earplugs por ehemplo, cu ta wordo hopi usa den carnaval, orthoplasticnan y earcapnan y headphonenan cu ta ser usa dependiendo di ki sorto di trabao bo tin. Flora de Vries a splica cu SVb ta haci test di bista y audiometria pa midi e capacidad di audicion. Esaki ta sosode den un cabina y segun e resultado por duna conseho na e persona pa wak ki paso pa sigui, y ademas SVb ta brinda ayudo den e parti preventivo cu ta hopi importante, prome cu e persona confronta su mes cu un problema di oido. Tambe por haci onderzoek na trabao pa midi e cantidad di sonido cu tin rond di e persona. El a splica tambe cu e sonido den carnaval sin haci medicion mes ta halto caba, y e por afecta e oido di esnan cu ta participa den grupo den e parada, esnan para banda di caminda, y e musicantenan cu ta toca den e trucknan. Pa sa exactamente di ki cantidad di decibel nos ta wordo exponi na dje , no ta etico si no haci un onderzoek, segun Flora de Vries. Un onderzoek ta pa midi e area y cierto distancianan tanto pa esnan para na banda di caminda como esnan den e parada y e parti di e musicantenan den e trucknan. Asina por saca kico ta e minimo y e maximo cantidad di decibel, den cuanto area tine y kico ta aceptable pa un musico, un participante di grupo y un hende para na canto di caminda. El a nota si cu den e paradanan tin basta adulto y muchanan ta usa earplugs y el a bolbe bisa cu pa sa cuanto hende exactamente ta haci uso di esaki mester haci onderzoek tanto cerca e participantenan den e paradanan y esnan cu ta para ta wak e carnaval.

Comentarionan (5)Add Comment
Erudiet
February 08, 2013
84.31.160.115
Votes: +0
...

No ta carnaval so........cinema na aruba tambe ta masha duro. No tin ley.....no por hasi nada.

rigobert
February 08, 2013
206.48.23.26
Votes: +0
...

Senora,please no papia duro. E Lider di MEP ta capas di lesa bo comunicado : y e ta bay orkesta un bonbonchi cu protesta dilanti parlamento pasobra carnaval ta danino pa salud di hende. Mucho decibel cu frequencia.

Save your nonsense
February 08, 2013
201.229.17.181
Votes: +1
...

E idea aki ta bon y e por tabata mas mihor si a haci e experimento den e anja nan anterior no ora e Carnaval ta dilanti porta ta tipico Arubiano...y si un persona mes kier bai Carnaval ta su responsabel si e muziek ta duro pe of no.

libra
February 08, 2013
201.229.9.83
Votes: +0
...

Mi a bay wak e parada di luz ayera y berdad e sonido tabata demasiado duro. Tur banda cu a pasa mi dilanti tawata asina duro cu mi no por a disfruta di e musica. Ainda mi orea ta hasi d**or. Mester entroduci urgentemente e ley pa stipula e volumen maximo.Ta hopi anja caba ta papia di e problema y nada no ta wordo haci. Airplugs ta juda berdad pero e problema mes ta keda e volumen halto.

palabruho
February 08, 2013
201.229.13.177
Votes: +0
...

Holo ta kiko a pasa e senjora su cabey???? muziek a dale duro? Beauty team come in, come in

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter