Monday, 01 September 2014
Servicio di emergencia di hospital ta premira un weekend basta druk nan dilanti Print E-mail
Friday, 08 February 2013 00:01

Gino Paskel

E weekend di carnaval ta den porta y esey nifica cu Servicio di Emergencia di Dr. Horacio Oduber Hospital ta prepara pe tambe. Den entrevista cu Gino Paskel, e hefe di e servicio aki, a splica con prepara nan ta. Nan a prepara pa loke por a presenta diahuebs caba cu tabata tin evento pariba di brug, y pa e weekend aki cuminzando diabierna te diamars otro siman.

E personal mas capacita lo ta na pia di trabao den cada shift, mas verpleegkundige den servicio, un docter extra na emergencia y specialistanan na warda pa si presenta accidente of trauma. Tambe nan lo ta bon ekipa pafo di servicio di emergencia cu securitynan. Nan ta spera cu weekend hopi druk y cu hopi hende na caminda pa docter di cas na warda, cu un oficina hopi druk, pa cual motibo servicio di emergencia lo atende esnan cu yega eynan, aunke nan lo tin di warda mas largo cu normal, specialmente e pacientnan na nivel di huisdocter, prioridad lo wordo poni riba personanan cu ta bin hopi malo mes, cu despues di e triage lo ser pasa mesora pa e sala di emergencia. Gino Paskel a splica cu pa e temporada aki generalmente ta presenta hopi caso di hende cu pa motibo di bebemento di alcohol ta cay trompica kibra man, pia y haya sla den curpa. Tambe tin hende cu ta bin cu problema di stoma, diarea, etc., pasobra nan a come cuminda cu a keda hopi ora den solo y a daña. Paskel kier a recorda e publico e oranan di atencion na docter na warda riba diasabra cu diadomingo cu ta entre 9 or am y 1 or pm y 6 or pa 10 or pm. El a splica cu mientras tin e carnaval ta slow na hospital, pero despues di carnaval e ta bira hopi druk, y tin hende cu ta sinti malo caba pero ta spera te despues di carnaval pa busca ayudo na hospital. El a sugeri algun medida di proteccion manera usa protector di solo, pone atencion na kico nan ta come, cuida e muchanan, no laga cuminda pa largo den solo, y purba controla e consumo di bebida sterki. El a splica tambe cu semper net prome cu carnaval hospital ta haya su temporada pick cu nan ta hopi yen y druk, y no tin cama suficiente pa pacientnan y esaki ta haci e tempo di spera na servicio di emergencia mas largo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter