Tuesday, 22 July 2014
E beach y calor di Aruba presente riba Valentine's Day na Time Square Print E-mail
Thursday, 07 February 2013 22:33

ARUBA TSA BEACH

Aruba Tourism Authority den su plan di mercadeo, a prepara un evento special pa Valentine's Day na New York. Den combersacion cu director di ATA Ronella Tjin-A-Sjoe, el a splica cu esaki ta un proyecto cu a cuminsa traha riba dje for di aña pasa como parti di nan esfuerso pa stimula e mercado aki pero tambe e meta poni pa logra un crecemento di 6% den e yegada di turistanan.

A bin ta trahando riba diferente aspecto pa capta mas atencion y posibel bishita for di e mercadonan noort-oost di Merca bou di cual entre otro New York ta cay. E Mercado di New York y New Jersey na e momentonan aki ta percura caba pa 34% di e grupo di bishitantenan for di Merca y awor mas mirando e cantidad di asiento extra cu a logra entrante december cu e vuelo diario di e compania Delta. Segun sra Tjin-A-Sjoe for di un vuelo semanal na bay pa vuelonan diario, habriendo mas capacidad for di e mercadonan menciona. Den cuadro di esey a cuminsa pensa riba diferente actividad den e region y un di nan lo tuma luga otro siman, riba Valentine's Day, pa mustra na un manera diferente e mercado di destinacion pa matrimonionnan. A logra drenta den un aliansa cu Time Square y esaki ta encera cu otro siman Aruba lo tin un seccion y diferente actividad. E seccion ta trece e beach y calor di Aruba riba Time Square den tur e friu cu tin e momento ey na New York. E area lo tin santo blanco y famoso mata di Dividivi, creando chens pa e hendenan saca potret. Pa 6or di atardi lo tin pareha cu lo renoba nan promesa matrimonial riba e area aki di Aruba na Time Square. Esaki ta bay combina cu diferente promocion rond di dje, lo bay tin prensa presente di e area ey y di mercado di honey y casamento, pero tambe radio. Riba e pantayanan cu riba e plasa aki na diferente ocasion durante dia lo pasa ceremonianan di casamento cu a yega di tuma luga na Aruba. A cuminsa e promocion di e evento aki via di social media a cuminsa mas pa capitalisa mas e inversion cu ta wordo haci aki. Aruba desde december a conoce un aumento di 5.7% den e cantidad di asientonan disponibel for di Merca. Esey ta duna Aruba hopi chens pa trece mas bishitante for di e mercado menciona. Ta saliendo for di dos aña di mantene loke tabatin, pues no tabatin crecemento. Y awor ta bay traha pa gana mas tereno y mas bishitante. Ya cambionan haci ta dunando resultado, y ta trahando duro pa logra e meta di crece mas, mirando cu a logra algo caba den luna di januari cu ta tras di lomba.

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter