| Paul Croes den su discurso; MEP kier a saca probecho electoral di Urirama! |
 |
 |
| Thursday, 07 February 2013 22:04 |
|
Paul Croes a declara di ta distancia su mes for di cualkier movemiento pa "Salba MEP", y no ta vota na fabor di ningun mocion politico y un mocion hipocrita. E preocupacionnan di e habitantenan tabata y ta algun cos specifico. Esakinan tabata e distancia pa cu e casnan (aspecto salud), Kapel di Alto Vista, devaluacion di e casnan y daño na e naturalesa. Esaki ta locual su persona a trata na trece dilant no na un ocasion sino continuamente. Croes ta lamenta con integrantenan di MEP a (mal)usa e preocupacionnan sincero di e hendenan den e vecindiario pa purba saca voto pa nan partido. Na ultimo asta a usa campañadornan pa lanta un manifestacion, den nomber di e organisacion Save Alto Vista. "Mi persona hunto cu coleganan di fraccion a hasi un intento intensivo pa yega na tur informacion rond di e molinanan di biento. Mi persona ta convenci cu e proyecto aki ta positivo pa cu Aruba su posicion menos dependiente di e fluctuacion di prijs di petroleo internacional. Esaki ta un vision cu nos a scoge pe" asina Paul Croes a declara. "Preocupacionnan di algun habitante lo keda, y e mocion aproba pa fraccion di AVP ta urgi gobierno pa keda den dialogo cu e hendenan aki, y trata na adapta of re-ubica e projecto", asina e la bisa. Croes a menciona den su discurso, cu e escogencia di un di dos parke di molina ta uno obvio y logico. Nos pais mester bira mas independiente di petroleo, consecuentemente fuel oil. Nos no por keda dependiente di e fluctuacion di e prijs internacional, como cu esaki lo yega pronto $150 pa bari, y esaki lo tin su efecto inflatorio riba nos prijs di awa y coriente. Un forma pa para esaki, ta cu tipo di projectonan asina aki. Esakinan ta projectonan cu e label "Green" riba nan, como cu nan ta projectonan cu ta contribui na nos medio ambiente dor di no ta manda gasnan den nos atmosfera. Comentarionan (5)Mustra/Kita comentarionan ...
Domme Paul bo partido berde cu bo a djoin, e partido cu a skop bo omo Betico for di partido, y cu tin un rabia ariba tur familia Croes, a hala su rosea diferente biaha y hasta a biS**ta graf como 4 pa cinco biaha, pero e a lanta foi morto, pero Mep si cu bo Omo a funda nunca a touch the floor manera e partido moribundo cu a skop bo omo Betico, bo ta un vreemde vogel in de familie Croes. Pronto abo tambe ta wordu geskop for di e partido ey, bo faam Croes ta e c*lpable.
,
February 07, 2013
...
No worry kiko MEP kier logra...worry cu si locual bo persona ta haci, lo ta constructivo of destructivo pa bo propio imagen y e imagen di bo partido como gobierno...
,
February 07, 2013
...
di tur cu ta defende e proyecto aki, cuanto tin cu ta biba na e sitionnan cu ta wordo afecta? y ki dia a scucha nan y tene cuenta cu nan criticanan? cu ni den parlamento no a accepta pa nan ta presente! por leza di dokternan cu ta ripiti e mesun storia di avp, pero e dokternan aki ta biba na e sitionan aki? rond mundo ta proteta contra e turbinanan industrial aki, pero aki na aruba esun cu hera critica ta ser acusa di ta hunga politica?
,
February 08, 2013
Duna Comentario y/of Comparti riba Social Medi |
Mustra/Kita e formulario di comentario
