| Gobierno: E acogida pa Prome Minister Eman den bario di San Miguel tabata fabuloso |
 |
 |
| Thursday, 07 February 2013 18:29 | ||||||||||||
|
Sin exagera por califica e Accion di Bario di diahuebs dia 7 di februari den e barionan di San Miguel, Koyari y Keito, un exito sin igual. No tin superlativo pa describi e acogida pa Prome Minister Mike Eman a haya. Habitantenan tabata spera su bishita di tempran. Wardando sea nan so of cu amigo, bisiña y conocirnan na nan cas pa nan bis'e con orguyoso nan di dje. Na momento cu Eman a yega cerca nan, nan a braz'e y hopi felicit’e cu e parke di Molina di biento cu ta bay bin. Por conclui cu e dia tabata uno estupendo. Filanan di auto riba caminda pa saluda Prome Minister Eman, aglomeracion masal di hende dilanti cas di famia Figaroa na Koyari, un bunita recepcion dor di un famia na Keito y asina por sigui. Un sin fin di Na cierto momento un taxi a yega cu un Mericano kende tin un cas na Aruba y un aña pasa tabata na Aruba caba y a wordo ricibi hunto cu su famia pa Prome Minister. E Mericano tabata bayendo bek su pais ora cu un taxista kende el a conta di su encuentro cu e Prome Mandatario di Aruba, a bin busk’e na aeropuerto pa bin topa cu e homber cu e tanto e ta admira. Tabata un re encuentro agradabel. E Accion di bario cu semanalmente ta tuma luga, ta encera cu Prome Minister Eman hunto cu team BoBario bou guia di sra. Ruth Tromp-Schoop y otro departamentonan di gobierno manera empleadonan di Serlimar, GKMB y DOW ta bishita un bario, papia cu e habitantenan pa tende di nan kico nan kier mira otro den nan bario. Tin bes esaki ta iluminacion, pone acerca, drecha caminda cu ta den mal estado of construccion di un parke of veld di bala pa e hubentud. Otro ta pidi un cita cu Prome Minister pa papia cu ne riba asuntonan mas personal. Pa tur hende Eman tin debido atencion. Asina den otro bario hopi caminda a wordo drecha, a bin cu palonan di luz unda esaki tabata mester y veldnan di bala ta hayando tur atencion cu nan mester haya. E meta di e bishitanan ta tambe pa fomenta mas sentido di comunitarismo den e hendenan di e bario mes. Un aspecto social cu a bay perdi y cu mester bin bek. Team BoBario ta organisa weganan di bala, nochinan di cine y varios otro actividad. Ta di elogia cu un Prome Minister ta bishita su barionan pa conoce mas di cerca e habitantenan.
Comentarionan (4)Mustra/Kita comentarionan ...
Holo, awor si mi ta kere AVP(Bon Trabou) lo saka 17 asiento! Mira hendeeeeeee.
,
February 07, 2013
...
Bo por compara esaki cu esunan di e candidato di MEP di noord Francis Jacobs di poco dia pasa?
Los perros ladran y la caravana pasa
,
February 08, 2013
...
Parkietenbos y bicindario ta manda un cordial invitacion pa nos Prome Minister pa bin honra nos bario tambe cu su biS**ta y pa bin admira nos famoso "Green Hill" canti lama cu dia pa dia ta bira mas grandi y mas halto. Nos bario no ke keda atras, nos tambe ta contribui na "Green Aruba".
,
February 08, 2013
Duna Comentario y/of Comparti riba Social Medi |
Mustra/Kita e formulario di comentario
