Monday, 01 September 2014
Victor Franken: “Hende cu ta bin cerca nos cu negativismo no ta bon bini” Print E-mail
Monday, 04 February 2013 17:43

franken 001

Habitantenan di Alto Vista, Victor Franken y Goy Franken a yega diabierna na Parlamento pa sigui e reunion y debate riba e Parke di Molina na Urirama. Ambos ta masha na fabor di e parke y a bisa esaki un rato prome cu nan a sinta den tribuna. Victor Franken, di 47 aña di edad a nace y a biba henter su bida na Alto Vista. Franken mes ta haya cu esaki ta hopi tempo. “E ta un bario hopi pobla.

Hendenan cu a bin di afo y di otro bario a bin biba eynan den e ultimo añanan. Hopi cas nobo a bin acerca y asina e bario a crece”. Mirando tur loke ta tumando luga na Aruba, paden y pafo di Parlamento den e ultimo dianan aki riba e binimento di un Parke di Molina di Biento na Alto Vista na unda famia Franken ta biba pa añanan largo, Victor Franken a bisa di no tin en absoluto nada contra un parke asina den su bario. “Siguiendo henter e discusion aki di cerca, mi por bisa cu nos ta pro e molinanan di biento. E ta yuda den baha e gastonan di consumo di coriente. Hasta mi a papia cu algun bisiña cu a bisa cu si mester por pone maske ta un di e molinanan den nan cura di cas. Pasobra cu nan si no tin anda contra y kier mira e prijs di coriente baha. Na unda nos ta biba hopi hende kier mira e parke di Molina bin. Mi tambe ta spera cu e parke bin pa caba, pa asina nos haya un miho prijs di coriente”. Victor Franken a bisa cu algun grupo a pasa su cas pa e firma contra e parke di Molina di biento, pero cu e no a duna nan mucho atencion. Nan cu ta biba pa hopi aña den e bario sa kico ta come y bebe eynan. “Nos no ta acepta ningun hende cu ta bin cu negativismo cerca nos. Nan no ta bon bini”. Goy Franken ta un otro habitante di Alto Vista cu a bin Parlamento pa sigui e reunion eyden riba e parke di Molina. “Mi tin mas o menos 60 aña ta biba na Alto Vista. Nunca nos a haya nos mes den ningun problema. Nos a custumbra cu e zonido di lama y no ta mira cu e molinanan ta bay causa mas zonido cu loke e lama ta haci. Ami kier e parke di Molina bin lihe pa asina yuda baha e prijs halto di coriente cu tin. Fuel oil ta perhudica medio ambiente y p'esey tambe mi ta pro e parke di Molina. WEB mester baha man un poco den cumpra petroleo. Petroleo ta bayendo direccion di 100 dollar pa bari. Un luga chikito manera Aruba no por wanta esaki. Nos yiunan..kico ta bay para di nan si nos keda depende di petroleo?”. Energia berde riba cua e actual gobierno ta enfocando ta carga aprobacion completo di Goy Franken. “Loke nos kier mira ta pa Aruba bira menos dependiente di petroleo. Un parke di Molina di biento ta percura pa esey. Pa mi e parke no ta causa ningun disturbio. Loke si ta causa disturbio ta e prijs halto di azeta”. Goy Franken a splica cu el a traha na Vader Piet y sa exactamente con e molinanan ta traha. E ta enfatisa un bes mas cu nan no ta causa ningun disturbio”. Goy Franken ta lamenta cu partidonan di oposicion ta hunga politica cu algo cu no mester ta un asunto politico. Hendenan cu tin placa y cu tin un otro pensamento ta bin protesta den nan bario pa algo cu ta bon pa Aruba henter, Goy Franken a bisa.

Comentarionan (14)Add Comment
m Tromp
February 05, 2013
201.229.55.47
Votes: +0
...

Goy franken ta mi primo! puntra goy si e la jega 6de klas.nan no tin mucho school, pls compronde pa nan

Danmi
February 05, 2013
201.229.73.8
Votes: +1
...

"Meneer-nan, google/busca informacion concreto di e danjonan cu e molinanan aki ta trece cu nan"
RRR ta ful na su tino.

V.Tromp
February 05, 2013
77.248.71.26
Votes: +2
...

Mi ta completamente eens cu e Franken nan aki.

Scorpion Lady
February 04, 2013
201.229.44.85
Votes: +2
...

Porfin nos hendenan di Noord a papia.

Bounty Hunter
February 04, 2013
201.229.43.85
Votes: -2
...

Vi, Goy, bosonan ta biba eybanda y ta na bosonan pa dicidi kiko lo ta bon pa boso bario. Tur esnan cu ta bin for di banda di mondi fierno cu a biba semper manera cabrito cu bril di palo geel bisti pa yuda papa, tanchi y e topcatnan kier bin yama boso pa bobo of cualkier otro cos. Core cu nan pasobra nan tur ta halado di garoshi pa papa, tanchi e topcatnan. Awor nan lidercita kier bin pretende cu e tin e boso
hendenan di Alto Vista nan salud na pecho. Ta algun miyonario cu a roza mondi bunita ey tras e kier defende nan balor di nan mansion, nada otro. Core cu nan na mal ordo.

Mester sa ambos version
February 04, 2013
201.229.30.93
Votes: +0
...

E punto ta cu e ta malo pa salud di hende,stop di crea politikeria,ami no ta ni avp y ni mep, mi ta un nortero orgulloso y cu prueban ta mustra cu e ta malo pa salud,nos no ta acepta esey, esun di vader piet no a Juda pueblo,ta web so e la Juda pasobra niun momento mino a wak niun recibo a baha dus stop di pp coi loco. Mi ta haya cu si mep a pone esun ña vader piet y cu ta malo pa salud mester just eliminanan and that's it y no keda justifica ken a pone y ken a laga di pone.

... Low-rated comment [Show]
... Low-rated comment [Show]
R.R. Ras
February 04, 2013
201.229.14.183
Votes: +1
...

Si MEP no a hinca e cos aki den boca y haci politica di e forma cu nan ta haci'e mi ta kere cu lo tin hopi habitante mes di e bario cu lo ta pensa differente vooral door di cu un grupito a concentra den busca informacion falso den e caso aki. Te cu awe ningun prueba paobra e invitado cu nan a trece nota carga ningun aprobacion di ningun instancia na Merca.

R.R. Ras
February 04, 2013
201.229.14.183
Votes: +9
...

Si MEP no a hinca e cos aki den boca y haci politica di e forma cu nan ta haci'e mi ta kere cu lo tin hopi habitante mes di e bario cu lo ta pensa differente vooral door di cu un grupito a concentra den busca informacion falso den e caso aki. Te cu awe ningun prueba paobra e invitado cu nan a trece nota carga ningun aprobacion di ningun instancia na Merca.

Paljucco
February 04, 2013
201.229.24.218
Votes: +9
...

Mi ta respeta boso opinion y tambe di esnan cu ta contra. Asina aki pueblo mes por wak cu tin un diferencia den un grupo cu ta contra, influencia dor di politiconan pero di otro banda tin esnan cu ta pro mirando e aporte na e independencia di petroleo cu ta bon pa henter e pueblo. Si myn nos mester menos petroleo y prijs di coriente por baha, henter pueblo ta hanje, incluso EWC y sra MAlmberg. Si molina ta malo pa medio ambiente, asina ta tambe The Palm Island shonnan. E danjo bao di awa nos no por mira facil.
Na mi opinion gobierno mester laga e asunto aki bai den un referendum.

... Low-rated comment [Show]
... Low-rated comment [Show]
I am confused
February 04, 2013
201.229.9.42
Votes: +0
...

Ku tur respet pa ku boso manera di pensa i kurashi pa vocifera boso inquietud, ami sa ku Vader Piet no a hasi ningun differencia ariba mi recibo di konsumo di elektricidad i mi tin e certeza tambe ku ulirama tampoko lo hasi tal!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter