Tuesday, 02 September 2014
De Palm Island ta cumpli 25 aña di existencia Print E-mail
Monday, 04 February 2013 11:36
DSC_2063
Despues cu e refineria LAGO a sera su portanan na aña 1985, Management di De Palm Tours a conclui cu turismo lo remplasa e refineria como e pilar di Aruba su economia.

Pa mesun motibo e compania a cuminsa busca un atracion nobo y diferente, cu e meta di brinda e turista y local e oportunidad di experiencia algo unico. Na januari 1988 De Palm Holding a inverti un cantidad significativo y a cumpra e isla cu a wordo nombra De Palm Island. Na cuminsamento millones di florin a wordo inverti pa por a converti e isla un luga atractivo y turistico. Cu hopi pasenshi y dedicashon tur e tempo y trabao a cuminsa duna su fruto. De Palm Island a bira hopi popular como atracion na Aruba, tambe pa turistanan cu tabata bishita y hasta diferente persona conoci a hasi uso di e isla priva pa nan matrimonio, fiesta of evento. Na aña 2006 e management team a dicidi di introduci un water park cu e intencion di upgrade e isla y brinda un mihor experiencia na su clientenan. Tambe a añadi otro atracionan, por ehempel Sea Trek, e ‘underwater helmet walk’ cu ta hopi popular cu turistanan. E “underwater park” di Sea Trek tin un profundidad di 7 meter bao awa, haciendo e esun mas hundo na mundo. Dos avion chikito y un bus bieuw di De Palm Tours a wordo gesink pa asina atrae un gran cantidad y variedad di piscanan tropical.

E parke bao awa lo wordo expande pronto, unda ta bai laga sink un boto bieuw. Esey sigur lo haci e Sea Trek mas interesante ainda. De Palm Island tin un total di 60 empleado di cual un di nan, captain Max, tin 37 aña trahando pa e compania. E isla cu ta hanja alrededor di 100.000 bishitante pa aña, ta sirbi mas di 65.000 hamburgers y 30.000 liter di cerbes pa aña. De Palm Island kier gradici tur empleadonan pa nan amabilidad cu ta haci e experiencia pa e bishitantenan inolvidabel y pa nan trabao duro pa mantene e isla. Sigur ta sigui inverti den e isla pa asina añadi mas atracionan interesante. No lubida cu ainda e campaña ta andando cu si bo ta haci aña na februari, bo lo ricibi un free ticket cu un compra di dos of mas entrada di adulto. Pa mas informashon yama 582-4400 ext 440.

dowers dowers dowers
dowers dowers  

Comentarionan (3)Add Comment
BMW
February 05, 2013
201.229.36.138
Votes: +3
...

Sra Malmberg, laga hasi un estudio di e medio-ambiente maritimo awo cu bo compania a hasi 25 anja pa wak si e tabata danino pa e medio ambiente cu hende no por wak cu su mes wowo. Durante 25 anja e compania a produci suficiente sen pa bin cu un hende realmente reconoci for di Merca y tambe laga uno di Europa bini pa asina bo por tin 2 rapport pa back bo up prome cu bo bai amplia e parke bao awa mas.

Larry Phillips
February 04, 2013
201.229.78.37
Votes: +0
...

Dedication involves making the space to let young ideas take hold; every tree was once a seed and every company was once an idea.

Think twice!!!!!
February 04, 2013
201.229.72.51
Votes: +5
...

Cuanto e entrada ta, mas o menos afls 100 mitar dia? Pa ami biS**ta e lugar ey mi ta prefera di pone placa erbij cumpra un pasashi y bai keiro un weekend na un di nos hermana islanan (kedando na kas di famia of si por na un hotel p e Trp-Inn )y pasa hooooopi great mes.....

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter