Sunday, 20 April 2014
Oranje Fonds ta organisa buskeda pa ‘Kroonappels’ Print E-mail
Monday, 04 February 2013 09:36

Kroonappels
Na ocasion di e inauguracion venidero Oranje Fonds ta organisa un edicion special di Appeltjes van Oranje. Ta pidi publico pa haci un escogencia for di e iniciativanan social mas bunita den nan municipio of isla unda nan ta biba. Asina nos ta mustra e pareha protector di Oranje Fonds e caminda. Iniciativanan por registra for di awe den tres categoria: Hubentud, Bario y Duna un Man.

E tres organisacionnan ganado final ta ricibi e predicado ‘Oranje Fonds Kroonappel’ y ta gana € 50.000,= cada uno y tambe un statua di brons, cu ta wordo entrega na Paleis Noordeinde pa e Rey y Reina nobo. Por registra te cu 8 di maart riba www.kroonappels.com. Oranje Fonds ta entrega tur aña Appeltjes van Oranje y ta corona asina e iniciativanan mas exitoso. Na ocasion di e inauguracion di e pareha protector di e Fondo ta organisa un edicion special. Den henter reino organisacionnan social por registra nan iniciativanan existente den un di e tres categorianan. Durante e votamento den weekend di 15/16/17 di maart tur hende por deposita nan voto, den nan propio municipio of isla Caribense. Den cada categoria un iniciativa ta gana pa cada municipio. Esaki ta sigui pa e di dos tanda unda e asina yama ‘peer-review’ ta para central. Eynan tambe tin solamente un ganado pa categoria. Durante e dia di clausura nacional riba 18 di april e tres ganadonan final ta wordo escogi. Ronald van der Giessen, director di Oranje Fonds: ‘Nos tin masha gana di haci algo special pa nos pareha protector. Kico miho cu pidi tur hende den Reino pa participa na e buskeda pa ‘Oranje Fonds Kroonappels’? Asina nos ta mustra e Rey y Reina nobo e caminda pa yega na organisacion y iniciativanan cu ta den curason di loke Oranje Fonds ta para pe! Nos ta spera cu masha hopi organisacion mes registra y specialmente pa tur hende bay vota despues en grande!’ Den e categoria Hubentud organisacionnan por recomenda iniciativanan existente cu ta reforsa posibilidadnan di e hobennan. Pa loke ta Bario, ta trata di iniciativanan of organisacionnan existente cu ta mehora e union entre gruponan di hende den un bario. E ultimo categoria ta trata iniciativanan existente unda boluntarionan ta Duna un Man na nan prohimo. Organisacionnan por registra nan iniciativanan existente no mas tarda cu 8 di maart y asina por yega na remarca pa ta un ‘Oranje Fonds Kroonappel’. Oranje Fonds ta sostene iniciativanan social cu fondo, conocemento y contacto. Pa aña e Fondo ta aloca mas o menos 30 miyon euro na aproximadamente 8.000 organisacion grandi y chikito. Financiamento di esaki ta bin di ‘Nationale Postcode Loterij’, di Lotto, di Amigonan y di Industria y Comercio. Principe van Oranje y Princesa Maxima ta e pareha protector di e Fondo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter