Monday, 01 September 2014
Prome sesion riba cambionan den leynan laboral a tuma lugar, segun Franklin Kock director di Labor Print E-mail
Monday, 04 February 2013 09:06
DSC_2063
Franklin Kock ta director di departamento di labor. Conhuntamente cu mediador di gobierno y ministerio di labor, nan a organiza un seccion informativo pa e prome grupo di Human Resources Managers y sindicatonan, di diferente compania priva pa informa nan riba e cinco leynan labora cu gobierno a bin cu cambionan den nan y cu intencion ta pa bin na vigor dia 1 di Maart venidero.

Franklin Kock a splica cu di e cinco leynan aki dos a ser trata caba den Parlamento cu ta e ordenanza laboral y e ley riba funcionamento di uitzenburonan.  Falta ainda pa atende en parlamento e Codigo Civil, e Ley pa mantene ordo di e leynan laboral y e ley di salario minimo. No tin un fecha ainda fiha pa trata e leynan aki pero mester sosode pronto si ta asina cu kier pasa nan dia 1 di Maart cu ta bin. Kock a splica cu e sesionnan aki ta un anticipacion na e cambionan den ley cu mester bin, pero no a bay den mucho discusion pasobra ainda Parlamento manera ta su derecho por haci algun cambio mas den e leynan.  Internamente a scoge cual ta e mihor prome grupo pa cuminza y asina a yega na e Human Resources Manages di companianan grandi cu tur dia ta traha riba e tereno aki y ta aplica leynan. Aunke a limita e cantidad di participante pa compania e sala tabata full yen, y e otro sesionnan di e ciclo informativo aki, ta bay organiza atrobe internamente, y cu lo ta pa empresanan mas chikito y den gruponan mas chikito invitando tambe e dunadornan di trabao, sindicatonan y Human Resources.

Lo scoge tambe companianan cu ta traha riba terenonan similar cu lo trece dilanti situacionnan similar, y lo haci preguntanan cu ta comun pa asina e sesion bay mas facil. Loke no a dicidi ainda ta si nan lo haci esaki prome of despues cu e leynan cu falta wordo trata den parlamento. Loke si ta sigur ta cu tur esaki mester sosode pronto, no por warda mucho pa trata e cambionan aki den ley.

dowers dowers dowers
dowers dowers dowers
dowers dowers dowers
dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter