Thursday, 28 August 2014
YMCA ta presenta plannan di YMCA pa 2013 y futuro Print E-mail
Monday, 04 February 2013 09:03

IMG 1437
Secretario General di YMCA, Anky Vrolijk a tene un presentacion amplio na miembronan di Rotary Club, cual ta un di e instancianan cu mas ta brinda apoyo na YMCA Aruba. E presentacion a tuma luga na YMCA Dakota durante un reunion di Rotary Club. Vrolijk a duna un splicacion di e proyectonan di aña 2012, kico YMCA ta haciendo y e plannan pa aña 2013 y futuro.

El a bisa cu YMCA semper a sa di haci hopi bon trabao, pero hopi biaha loke nan ta haci no ta sali den publicidad y hendenan no sa kico ta pasa na YMCA. "Nos ta trahando hopi duro hunto cu e staf y nos ta logrando hopi," Anky Vrolijk a comenta. El a añadi cu e team di YMCA ta contento pasobra comunidad di Aruba semper ta para man habri pa ricibi y yuda e organisacion aki. YMCA Aruba ta ofrece un variedad grandi di actividad, di cual e mas fuerte ta Y's Care, e prome traimerdia di nos isla, unda cu ta wak pa muchanan despues di scol, ta guia nan cu trahamento di huiswerk y ta ofrece actividadnan di calidad, incluyendo deporte. YMCA ademas tin su teamnan di volleyball y basketball y actualmente tin hopi actividad cual ta wordo organisa hunto cu Club Kibrahacha 60+. Tambe YMCA ta ofrece diferente les, incluyendo les di cushinamento, obra di man y make up y tin riba su programa pa lansa dos les nobo di cushinamento, cual ta "corporate cooking" y healthcare cooking, cual ta basa ariba cumindanan saludabel. Rotary Club ta un parti grandi di YMCA y ta algo positivo pa nan tambe por wak bek kico a wordo haci y kico ta e plannan pa futuro, Anky Vrolijk a conclui bisando.

gallery1 gallery1 gallery1
gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter