| Richard Kelly presidente STT: Como Arubiano un y tur por ta orguyoso cu Setar NV ta un compania stabil |
 |
 |
| Monday, 04 February 2013 09:01 |
 Richard Kelly, presidente di Sindicato Setar NV (STT), tambe tabata presente den e conferencia di prensa, relaciona cu e diez añanan cu e compania a bira NV.
El a cuminza felicitando e trahadornan cu a hiba un lucha cu no tabata facil y cu den e delaster diez añanan a cambia di un lucha riba caya pa uno na mesa enfocando riba e bon servicio y con pa bringa e concurencia cu no ta suave sino basta agresivo, cu tin biaha e ta puntra su mes con e por ta asina. El a splica cu si mira atras e ta mira e trahadornan di Setar confrotando hopi reto y cambionan pareu, tecnologia nobo y cambionan den tecnologia tambe y tur esey pa yuda nos economia y mehora e servicio pa pueblo. Awor tin un compania cu como Arubiano un y tur por ta orguyoso di dje, y aunke e no ta mas e galinja di e webo di oro manera antes nan a yame e ta un empresa stabil. El a bisa cu unda hende ta traha foutnan ta wordo haci y e clientela tambe a bira mas exigente, tin competencia, un presupuesto y cambionan den e mercado cu no ta facil tampoco pa Setar NV. Kelly a splica cu nos ta gusta compara nos isla chikito cu paisnan grandi manera Merca y Hulanda y nos kier pa competi y haci mesun cos cu tin eyfo y e clientenan tambe ta expect esey. E ta orguyoso como representante di e trahador cu na 2003 cu Setar a bira NV como vicepresidente di STT e tempo ey, e por a firma e prome CAO y cu te awendia a firma cuatro caba, di cual e trahadornan por ta orguyoso y contento. Finalmente el a felicita pueblo di Aruba y a pidi pasenshi pa e cambionan cu ta bin pero semper e trahadornan y e compania lo haci nan best pa brinda lo mihor pa pueblo y pa contribui cu nos economia. Comentarionan (2)Mustra/Kita comentarionan ...
Stabiel pa boso sako. Sindicato stop di bringa pa plaka so, cuminsa entrena boso trahadornan pa duna mihor servicio y trata drechi cu cliente. Si no ta pa pueblo cu ta paga carisimo pa prijs di telefoon, data, internet, boso no tin salario. E cao aki ta bai costa compania/PUEBLO plaka, asina ta drecha servicio y sinja e burikonan sinta eiden con pa trata cu hende, Pone smile riba nan cara sikiera.
,
February 04, 2013
...
na prome lugar e por twt miho si abo no twt na cabes di e sindicato,paso bo ta bai mucho na fabor di e gerencia y no di empleado kiko nan ta dunabo ningun hende sa asta bo ta gasta e plaka di setar na core tur merdia como taxi ta buska bo famia y hiba nan unda nan tin cu bai . pa abo mi tin sigur cu tur cos ta bn pesey o no ta wrry cu otro pero no lubida algun dia lo bo sinti kiko otro ta sinti nada ta pa semper kada ken cu nan concenshi tnx
,
February 04, 2013
Duna Comentario y/of Comparti riba Social Medi |
Mustra/Kita e formulario di comentario
