Monday, 20 October 2014
SALBA URIRAMA: Cuidadanonan preocupa ta organisa un manifestacion na Parlamento contra Proyecto di Molina di Biento diamars awor Print E-mail
Monday, 04 February 2013 09:01
urirama
Un grupo di cuidadano preocupa a lanta e grupo "SALBA URIRAMA" pa enfoca riba e consequencianan devastador cu e molinanan aki lo trese pa Aruba. Ta trata di cuidadanonan cu di basta tempo ta hopi preocupa cu e proyecto di molina di biento na Urirama. Nan a sostene tur otro accion cu a cuminsa, Save Alto Vista y esun di habitantenan. Awor e momento crucial a yega, y nan ta sinti cu awor mester hasi tur lo posibel pa  para e proyecto mirando con e debate ta bayendo den parlamento.

Ademas nan ta representa un gran cantidad di firmante.

E grupo aki lo entrega un manifesto diamars dilanti Parlamento di Aruba na e lidernan di fraccion y e parlamentarionan independiente.

Den e manfiesto aki nan lo pidi cada lider di fraccion y cada parlamentario independiente pa nan cooperacion pa no aproba e proyecto di molina di biento di Urirama.
E motibonan ta varios.

1.       Tin demasiado duda riba e aspecto di salud, y tanten nos no ta sigur nos no por sigi cune, tin mucho hende ta biba eybanda

2.       Ta un area hopi grandi di naturalesa nos ta perde

3.       E area sagrado di Kapel di Alto Vista ta wordo afecta; e molinanan ta espantoso y grandi banda di nos kapel chikito y sereno.

4.       E no ta baha nos prijs di awa y coriente, pero di otro banda si e ta afecta nos turismo

Ademas tin varios otro alternativa. Por ehempel inverti e 250 miyon florin cu e molinanan ta costa den WEB pa WEB mes bira menos dependiente di fuel. Inverti den otro tipo di energia alternativo.

Si nos no tin ningun beneficio cune, dicon mester danja naturalesa, danja un area sagrado, y pone salud di hende na riesgo?

A organisa un conferencia di prensa dialuna 11 or den curason di Noord.

"SALBA URIRAMA" ta invita henter e pueblo di Aruba pa asisti diamars na Parlamento, pa presencia e entrega di e manifesto na esnan cu mester tuma e decision. 4 or lo topa na Wilhelminapark, y 5 or lo bai Parlamento, pa hasi entrega. ESAKI NO TA UN MANIFESTACION POLITICO, sino un invitacion PACIFICO na henter comunidad pa sostene e peticion aki na parlamentarionan y lidernan di fraccion.

Comentarionan (8)Add Comment
Cadushi Largo
February 05, 2013
74.96.39.42
Votes: +1
...

ARUBANOS nos no tin nada di bay protesta, e mulinanan ei ta pa PORVENIR di Nos Isla ARUBA. Nos ta bay SI, pero pa CONFRONTA boso nan, den boso bagamunderia nan.smilies/angry.gifsmilies/angry.gifsmilies/angry.gifsmilies/angry.gifsmilies/angry.gifsmilies/angry.gifsmilies/angry.gif

Quo Vadis?
February 04, 2013
201.229.72.51
Votes: +17
...

Na e handje vol mensen cu ta bai manifesta, dicon no a manifesta contra esun di Vader Piet e tempo aya, acaso boso lider (Nel) no tawata sa cu e ta malo pa nos salud anto? Pero awo cu e gobierno aki kier pone un par na Urirama awo si ta bon pa manifesta, diripente awo si e ta malo pa salud di hende, plssss. Kla kla mi ta korda tempo nan (e mesun grupito) a bai contra e race track cu AVP kier a bin cune usando como agrumento e flora y fauna cu dibaina tin algo cu a sobra di dje. Por mira letterlijk cu esaki ta un wega politico, y e desesperashon di oposishon.....

Gordo
February 04, 2013
201.229.84.226
Votes: +14
...

E molinanan aki por lo pronto podise no ta baha gasto di awa y coriente mesora, pero sigur nan lo evita pa e gastonan subi. Comprendido?

Jeffrey Tromp
February 04, 2013
83.81.64.41
Votes: +27
...

1928 lago a bini aruba no tawata tin niun hende sabi cu a pensa cu e saki ta toxico, na 1991 niun manifestacion ora coastal a sinta i na 2004 valero ,tur gobierno cu asinta di 1928 te cu 2012 a traha cu e refinaderianan dus tin hopi impocrecia den e gobierno. Cuanto hende a wordo intoxica i porta a hasta muri. e molina di biento ta hopi mas saludabel cu refenrianan. sea boso mes no ta fanatico di niun partido politico.

baha nan awo
February 04, 2013
201.229.37.219
Votes: +2
...

E 1 miyon den e famoso boto tmb ta pa traha dam warda awa?? E miyones nan pa urirama ta pa traha dam warda awa? Invertie den WEB !!!

prorubiano
February 04, 2013
201.229.35.155
Votes: +19
...

unda e manifestacion a keda tempo cu e molinanan a bin na san nicolas?????????????????, esaki ta djies un handje vol di Elites cu ta pensa riba nan mes promer cu pueblo.

Justicia
February 04, 2013
201.229.7.176
Votes: +17
...

E punto msa principal cu e grupito no a menciona ta cu e balor di nan cas lo por wordu afecta .Un set di hipocrita cu ta corda solamente riba nan mes. E myoria di e pueblo ta pro, pa mantene e prijs di awa i corriente stabil.Ni con bo splica e sabinan aki cu si prijs di crudo subi e lo no afecta loke e pueblo tin cu paga,pero no interes personal ta hunga un rol mas grandi .Oposicion ta hunga e wega huntu cu nan pa bruha tera ,manera semper ta nan custumber,pasobra mi no por imaginami cu nan no tin dos placa di sinti.

taurus58
February 04, 2013
201.229.11.88
Votes: +20
...

Manifestacion pa kiko. Pa e riconan di Urirama? Boso no tin idea ainda pakiko e molinanan aki ta wordo construi? No pa baha gasto di electricidad pero pa traha dam warda awa. Prijs di petroleo ta sigui y sigui subi. Sin e molinanan aki no tin back up pa enfrenta e subida di prijs mundialmente y consequentemente e subida di prijs local. So be conscious about this matter. smilies/cheesy.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter