Minister di Husticia Arthur Dowers a bishita sra. Hortencia Rasmijn Werleman, despues cu el a tende di e caso unda cu un miembro di Team di Aresto, cu tabata en busca di e atracadonan, a los bala riba vehiculo maneha door di e señora kende a keda den un trauma grandi.

Despues di e atraco di diabierna unda cu un gran cantidad di persona a wordo deteni, e mandatario a wordo informa di e sucedido caminda a los bala tratando di para un auto y personanan cu no tabata tin nada di haber cu e atraco riba RBC. Inmediatamente despues cu e sucedido a wordo raporta, Landsrecherche a cuminsa un investigacion. Na mesun momento e mandatario a wordo informa cu e personanan cu tabata den e vehiculo cu a wordo tira eroneamente, a keda den un trauma masha grandi y tabata kier a combersa personalmente cu e Minister encarga. Minister Dowers a bishita sra. Hortencia Rasmijn Werleman, y a splica e procedura normal cu e caso ta bay cana awor, pero tambe a tene cuenta cu e aspecto humanitario di e caso aki, y a duna nan cierto conseho con pa busca ayudo. A bisa nan tambe cu pais Aruba lo cubri e dañonan cu a wordo causa y ayudo humanitario cu e personanan lo tin mester, manera guia profesional. El a nota con principalmente e hendenan a keda hopi traumatisa pa e hecho y cu e ta di acuerdo cu e personanan aki mester haya e ayudo necesario pa por sobrepasa esaki. Pa loke ta sucedido mes, e mandatario a splica cu e no ta bay den detayes, pasobra Landsrecherche mester haci su investigacion riba e circumstancianan bou di cual e asunto a sosode. Loke e sa ta cu a haya informacion cu den e area unda e hoben a wordo recogi, lo tin un di e atracadonan.

Comentarionan (3)

Mustra/Kita comentarionan

...

ruman sitawata mi mama no keremi milobin buska epajaso cua tira awor si un bala adal e sr kico boso nan lobisa cue tawata tin droga of alma mescos cuboso amata 2colombiano inocente bestia

ls pt , February 03, 2013

• 
• -1
• 
• 

...

Bai kieta e personaan cu a pasa ley paso nan no ta persona kapasita pa e trabau di polis.

rasmijn , February 04, 2013

• 
• +4
• 
• 

...

A lo menos un buket di flor cu palabranan di lamento encuanto e sucedido lo ta na su lugar... ten minste, at least. From a human point of view.

D,J. , February 04, 2013

• 
• -1
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi