Monday, 20 October 2014
Participacion fructifero di Minister de Meza y delegacion na Trinidad & Tobago Print E-mail
Sunday, 03 February 2013 19:16

tt new-2
Un delegacion di Aruba, bou guia di embahador di Reino na Trinidad & Tobago sra. Lucita Moenir-Alam, a participa na e ‘Energy Conference’ den Hyatt Regency Hotel na Port of Spain cu a tuma luga dianan 28 y 29 januari 2013. 

delegacion cu tabata bou direccion di Minister di Finanza, Comunicacion, Utilidad y Energia ing. Mike de Meza, tabata consisti di srs. Thomas Pietersz, presidente di Hunta di Comisario di Utilities Aruba NV, Clyde Burke, comisario di Utilities Aruba NV y drs. Franklin Hoevertsz, managing director di Utilities Aruba NV. E conferencia aki ta wordo organisa anualmente dor di ‘Energy Chamber’ di Trinidad & Tobago. Durante e ceremonia di apertura e apreciabel senador Kevin Ramnarine, Minister di Energia y Asuntonan di Energia di Trinidad & Tobago a hiba palabra. Ex presidente di Colombia Alvaro Uribe tambe a tene su discurso riba e prome dia. Ramnarine a conta di e inscripcionnan exitoso cu tabatin na 2012 pa haci exploracion na petroleo y gas den lama. Un otro punto cu el a trece dilanti ta e grato noticia cu Trinidad en Tobago a haya un evaluacion mas halto dor di Standars & Poor’s. Uribe a tene un discurso elocuente titula “Transforming a Nation: The Colombian Experience”, den cua en extenso el a papia riba e forma con durante su periodo di gobernacion e sector petrolero a crece y mustra resultadonan positivo. Tambe el a conta con Colombia a wordo reorganisa. Awe e resultado ta bisto. Colombia ta un pais prospero. Tambe Minister De Meza tabatin varios combersacion bilateral cu entre otro Minister di Asuntonan Exterior a.i. Vasant Bharath, cu Minister di Energia Kevin Ramnarine y cu Minister di Finanza, Larry Howai. Contactonan a wordo haci cu e ‘National Gas Company’, ‘the Atlantic LNG Company’ y cu e ehecutivonan mas halto di Petrotrin. E delegacion di Aruba a haci hopi na netwerk den e tempo cortico cu e tabata na Port of Spain. Presencia di Aruba tabata wordo menciona cada bes dor di tur orador durante e ceremnonia di apertura. Loke tambe a haya e atencion necesario tabata e proximo cooperacion cu REPSOL pa loke ta exploracion na gas den nos awanan teritorial. Banda di tur esaki Minister de Meza a papia cu diferente persona di interes riba e conferencia “Europe meets the Americas” cu ta bay tuma luga na Aruba na cuminsamento di luna di mei. Mescos tambe el a comenta riba e participacion di Aruba na e Conferencia riba Energia Berde. Minister de Meza a regresa satisfecho bek Aruba y sigur ta mira posibilidadnan pa mas cooperacion cu Trinidad y Tobago.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter