Monday, 28 July 2014
Gobierno: Trabounan di renobacion na Pos Chiquito y Jara progresando Print E-mail
Sunday, 03 February 2013 17:43

Jara Pos Chikito reno

 

Minister President Mike Eman ta masha satisfecho cu e trabaonan di Renobacion di Bario na Pos Chiquito y Jara tambe ta marchando cu pasonan grandi awor. E Prome Mandatario ta mustra cu mescos cu Juana Morto e trabounan aki ta inclui un renobacion total di e casnan como tambe di e infrastructura.

Gabinete Mike Eman a haya e barionan nan aki den un estado hopi penoso y a haci un empeño grandi pa yega na nan renobacion. Renobacion di e casnan ta wordo haci den cooperacion cu FCCA y e renobacion di infrastructura ta cay bou responsabilidad completo di gobierno. Prome Minister Mike Eman ta splica cu tin 24 bario cu ta bay conoce cambionan grandi. Ta trata di renobacion completo of instalacion di infrastructura cu no tin actualmente. Caminda bunita, acera di klinkers, luz, mata, pleinchi, parkenan di recreo y deporte. Den tur bario caminda tin trabaonan programa Gabinete Mike Eman ta teniendo consulta amplio cu habitantenan di e bario. Banda di e proyecto Renobacion di Bario, gobierno a introduci e proyecto Pinta BoBario. Esaki ta un proyecto cu tambe ta wordo haci den cooperacion cu FCCA. Un proyecto na unda casnan di huur di FCCA ta wordo pinta dor di hobennan di e bario mes. Esaki ta un forma di practica comunitarismo. E hoben di e bario mes hunto cu su amigonan ta pinta e cas, e ta gana un entrada modesto, e mes lo percura pa e trabou cu el a haci no wordo daña dor di otronan y e habitante di e cas ta satisfecho cu su cas bunita pinta. Un situacion hopi deseabel. Cada bes cu un bario ta cla, e hobennan ta haya un certificado cu nan a participa na e proyecto Pinta BoBario durante un ceremonia chikito y agradabel den compania di nan mayornan, e bisindario, director y empleadonan di FCCA y Minister y Parlamentarionan. Asina varios cas den diferente bario a keda bunita pinta. Mientrastanto un cantidad di otro proyectonan riba tereno di infrastructura a sea keda cla of ta andando. E caminda di De La Sallestraat cu tabata den un estado malisimo a wordo drecha mescos cu e scolnan De La Salle College y Sint Dominicus College den e bisindario ey. Ambos scol a wordo completamente renoba y awe e maestro y hobennan cu masha animo ta bay scol pa duna les of pa haya les. E bario di Village a conoce un cambio grandi. Habitantenan contento cu e trabou bon haci cu ta haci nan bida mas agradabel. Mescos ta e caso den Madiki, Otaheitistraat y cayanan na Noord manera Esmeralda, Topaz y Ruby cu a conoce cambionan positivo grandi. Gobierno tin actualmente un cantidad grandi di proyecto andando. E siguiente proyectonan grandi di Renobacion BoBario ta bay tuma luga den e barionan di Sero Patrishi y Bushiri. Durante bishitanan den e barionan menciona Prome Minister Eman y su team BoBario a papia cu e habitantenan cu a indica kico ta loke nan kier mira cambia. E cambionan pronto ta tuma luga.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter