Sunday, 23 November 2014
Parlamentario Clarisca Velasquez: Pabien na nos polisnan y nos pueblo cu den forma relampago por a pone man riba atracadornan di RBC Bank Palm Beach Print E-mail
Saturday, 02 February 2013 11:47
Comparti

Clarisca Velasquez010

Diabierna merdia nos a wordo confronta cu e mal noticia cu RBC Bank na Palm Beach a wordo atraca y nos tawata reza pa no tin victimanan envolvi y cu arma no lo a wordo usa!! Lamentabel ta cu hendenan sin escupulo ta bin abusa di confiansa di nos isla den e forma aki y mas lamentabel cu nos propio jiu di tera tambe ta haci nan mes culpabel na e actonan castigabel aki danjando nomber di nos dushi isla. Danki Dios na nos polisnan cu ta cualifica y capacita pa percura pa husticia prevalece. Danki na e bon trabao di nos polisnan y tambe sin kita afo e ajudo di nos comunidad cu ta nos wowo tur caminda cu a juda na e accion relampago cu a conduci na detencion di e anti socialnan aki cu ta comete atraco riba nos isla. Sin ajudo di nos pueblo polis no por haci su trabao y pesey ta gradici nos pueblo inmensamente. Danki na nos polisnan cu a sa di actua riba tur informacion cu nan tin pa logra detencion di e hendenan sin escupulo aki. Nos tin confiansa cu nos cuerpo policial tey pa sirbi husticia pa nos comunidad y mi persona ta super orguyoso di mi cuerpo di polis cu a sa di haci un trabao tremendo y exitoso cu a conduci na detencion di e 11 sospechosonan di atraco riba RBC Bank na Palm Beach. Awor e peso di ley mester baha pisa riba tur esnan cu a haci nan mes culpabel na comete atraco riba nos isla, danja nomber di nos pais y pone bida di nos hendenan den e banco y tambe den cercania unda nan tawata comete e atraco aki na peliger! Pabien na nos polisnan nos ta orguyoso di boso y Dios sigi guia boso den boso trabao peligroso cu boso ta haciendo pa trece trankilidad bek den nos comunidad y pa husticia por prevalece!

Comparti
Comentarionan (6)Add Comment
Melkinson
February 03, 2013
201.229.46.10
Votes: -2
...

Halo Clarisca, sin duda nos tur ta desea pabien na nos cuerpo policial, pero sin laga afor pa su hefe mayor cu ta Minister Dowers. Paso ora cosnan menos bon pasa, manera e atraco, ta Dowers su nek, nan ( boso of abo) ta buska pa colga. Pero ora e caso a wordo resolvi den 24 ora, a gradici polis so! Ban ta serio abo como ex- polis sa cu un minister ta parti di e succes di polis pero bo kier play Shakira awor...ciego-sordo y mudo!!!! Hahahahaha en todo caso pabien atrobe na Tur pero Tur polis y nan hefe Dolfi y nan minister Arthur Dowers.

intronic ventor
February 03, 2013
201.229.31.217
Votes: +3
...

Mi no ta apoja e atrakador nan y mi tin ku duna henter e equipo di polis un pabien.
Pero si mi tin pa bisa y mi ta bisa esaki skirbi ku hoofdletter "BANKO TA FULL FOUT"
Dikon banko ta fout, paso nan mes ta permiti e tipo nan aki komete atrako na Aruba den nan establecimento.
Masha tempo e banko nan aki mester a hasi nan banko hopi mas sigur.
Ami ta den banko tur ora y komo kliente mi no ta sinti mi safe ku nan seguridat.
E banko su cahera nan tur mester ta full segura ku glas nan di BULLED FROOF. Y esei no ta e kaso na hopi di e banko nan aki na Aruba. FULL FOUT NAN TA PA HOPI TEMPO KABA. Y otro remarka tambe ta: tur e security nan ku ta traha eiden mester ta arma y asta riba dak di e banko nan mester tin un ofecina ku security arma. Y no djies arma pero arma di kandela. Esaki lo pone tur hende ku kier purba nan suerte di tira atraco, nan number lo hunga di biaha.

Spotlight_101
February 03, 2013
201.229.18.198
Votes: +4
...

Porfabor actualiza e potret di e persona aki, ya cu e ta data di 25 anja pasa y e NO ta fotogenico mas!!!

Ban serio
February 02, 2013
201.229.14.58
Votes: +4
...

POR FIN UN DI MIL caso a wordo soluciona gracias na camaranan di Banco Dat was voorgekaud!!!!!!

Archimedesstraat 6
February 02, 2013
74.233.133.155
Votes: +2
...

Hopi pabien polis nan di atraco team for a job well done. Mi ta spera ku boso ta wordu bon paga y ta bon mereci.

mester
February 02, 2013
186.121.66.131
Votes: +5
...

Bruha porfin bo ta tirando un palabra di elogio pabo cuerpo di polis,loque bo mester hasi sinta cu bo basora den parlamento anto pres bo Gobierno vooral Minister Dowers pa busca un bon luga pa pone cuerpo policial cuminsa renoba JFK school e ta un bon luga.Laga tram un banda i hinca placa den un bon edificio.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter