| Cu flanel di Vista Security e prome atracador a habri caminda pa otro tres atracador cu coverall na RBC Royal Bank |
 |
 |
| Friday, 01 February 2013 21:00 | ||||||
|
Asina cu el a drenta el a habri caminda pa e otro tres atracadornan cu coverall tambe pasa. A exigi tur hende bai plat. Camera pafor a graba tur cos y esnan paden. Tur e cara di e atracadornan ta cla cla riba e camera. Paden e tras atracadornan cu curpa mas grandi a bisti nan mask aunke nan a wordo graba dia bieu. A pidi pa placa y para tras di toonbank a exigi pa tira e placa den e saconan. Probablemente e suma hiba ta riba 100 mil florin. E atracadornan a kita basta pertenencia di clientenan cu tabata den banco. A bai cu tasnan cu basta cos priva di e clientenan. A hiba yabi di cas y aparato pa desactiva alarma etc. Tur e cosnan aki dimes a pone e clientenan tambe den un susto pasobra awor e atracadornan tin nan yabi y tur dato di unda nan ta biba. Unavez paden e atracadornan a bai den cantina tambe. Un empleado den cantina hunto cu security a tende desordo. Nan tabata comiendo algo y ora a bai habri e porta a haya sorpresa cu atracadornan cu arma riba nan. Esun cu shirt di compania di security a pone su arma na cabez di e seguridad di RBC. Asina nan a logra pone tur hende drumi. E seguridad a splica cu el a mira otro tres atracador cara tapa curpa grandi den e banco. Den combersacion cu Pierre Rafini director di RBC Royal Bank a laga sa cu e trahadornan a cumpli cu loke nan a wordo siña pe. Copera cu e atracadornan. Nan tabata grita pa placa y al suelo na e clientenan cu a perde basta di nan pertenencianan. Pierre Rafini a splica tambe cu tur cos ta graba dese yegada di e atracadornan pafor te cu paden. Tur cos ta mustra cu aki ta trata di atracadornan Venezolano. Polis ta buscando nan paradero y alto comisario a splica cu e ta convenci cu nan lo pone man riba nan tur. Na RBC nan tin e seguridad completo. A puntra Pierre Rafini dikon no ta pone glas como proteccion pa e tellernan? El a splica cu tin biaha e contacto cu e clientenan un tiki mas personal ta importante. Dialuna RBC Royal Bank na Palm Beach lo ta sera. Aki e empleadonan lo keda mas trankil pa asina nan por caba di sera nan caha tambe y djey lo saca afor precisamente cuanto placa a bai den e atraco. Asina mes ta calcula cu ta un suma di mas cu 100 mil florin. Gerencia di RBC a busca un psycologo profesional pa bin atende cu e empleadonan den banco pa asina nan por keda mas trankil pa e weekend aki. Polisnan a haya tur grabacion for di banco pa asina sigui mesora cu nan investigacion.
Comentarionan (6)Mustra/Kita comentarionan ...
dikon nan no ta pone un screen shot di e kara di atracadornan den tur media pa asina pueblo por wak si nan por reconoce e diablonan aki ?
,
February 01, 2013
...
pone e gabacion pa nos, asina cu nos topa un dinan nos por avisa polis caminda nanta ,nos por reconosenan di biaha,boso kier pa pueblo juda toch awel laga nos wak e grabacion.
,
February 01, 2013
...
Ta asina mester ta. Mester pone e screen shot di e atracadornan pa asina polis ta hanja ayuda di e pueblo y ora e pueblo reconocenan nan por llama polis.
,
February 01, 2013
...
For merdia caba BANCO Y POLIS mester a postnan potret cu boso ta suppose di tin di e videonan di banco. Asina aki pueblo por yuda hasi e trabow di polis mas fasil. Kiko boso ta warda?
,
February 01, 2013
...
A YEGA E MOMENTO PA PONE TUR EMPRESA DI SECURITY BOW DI UN SEVERO SUPERVISION DI AUTORIDAD HUDICIAL.DEN ALGUN DI NAN TIN MALANDRONAN TA PLANEA COSNAN MALIGNO PA ARUBA
,
February 02, 2013
...
Laga nan acepta promer cu nan ta c*lpabel of laga juez hayanan c*lpabel promer pa e ora 24ora.com mes saca tur dia nan foto riba 24ora.com . Hey donjo di 24ora.com bin cu un pagina permanente di tur e criminalnan cu juez haya c*lpabel aki na Aruba. Danki pa bo cooperacion donjo di 24ora.com
,
February 02, 2013
Duna Comentario y/of Comparti riba Social Medi |
Mustra/Kita e formulario di comentario
