Friday, 28 November 2014
Bishita di Prome Minister y futbolistanan na cas di Sr. Nelo Loefstok Print E-mail
Friday, 01 February 2013 17:41
Comparti

Loefstok IMG 4882

Durante e recorido cu Prome Minister a haci den bario di Sabana Grandi, el a yega na cas di Menelio Loefstok, miho conoci como ‘Nelo’ kende despues di un trayectoria profesional y comunitario hopi fructifero, awo ta disfrutando di su edad di pension na cas hunto cu su señora Dinchi. Premier Eman no a yega su so, pero tabata compaña pa dos hoben admirador di sr. Nelo, e futbolistanan Jonathan Lake y David Abdoel. Nelo a haya masha agradabel e momento cu a comparti y combersa. Como practicante y amante di e deporte di futbol, Lake y Abdoel, kendenan ta forma parti di e grupo di trabou di BoBario, a haya tambe un bunita oportunidad di por a bishita Nelo Loefstok, kende den su hubentud tabata un hungado di Dakota y despues a keda activo como un dirigente deportivo pa e bario. Tur a sinta riba e porch di e cas disfrutando di e biento dushi cu tin den Sabana Grandi, a papia no solamente di deporte, pero tambe di con nos pais ta canando. Sr. Nelo a expresa cu e ta haya algo masha positivo cu e lider di e pais ta tuma su tempo pa bishita casnan. E mandatario ta haci esaki como un parti regular di su agenda di trabou. E ta haya ta hopi importante pa mantene un contacto cu pueblo y diferente na politiconan cu ta hacie solamente ora cu tin campaña andando. “Nos a haya hopi bon cu el a pasa. Asina nos a haya hopi oportunidad pa bisa en general kico nos ta pensa y kico nos ta kere nan mester haci,” asina Sr. Loefstok a indica. El a sigui splica cu Sabana Grandi ta un area lubida dor di gobiernonan anterior y pesey por nota e diferencia ora cu Prome Minister ta yega hunto cu ekiponan di trabou di DOW, Serlimar, y otronan pa duna e bicindario un cariño. “E bario no a haya atencion di gobierno nunca,” y refiriendo na Prome Minister Mike Eman, el a bisa “Y el a priminti cu e lo duna e bario mas atencion.” Papiando den terminonan mas general, Nelo hunto cu su señora ta duna aprobacion di e maneho di Gabinete Mike Eman. “Ami ta haya cu nan ta funciona bon, nan a trece hopi cos y drecha hopi cos. Mi ta satisfecho cune,” Sr. Loefstok a bisa. Prome cu a sigui cu e recorido den bario di Sabana Grandi, Prome Minister Mike Eman a gradici famia Loefstok pa nan bon bini den nan cas, pa e oportunidad di combersa di un manera asina ameno y pa e comentarionan ricibi.

album album  

Comentarionan (5)Add Comment
Informa mihor
February 02, 2013
201.229.72.245
Votes: +5
...

@mester: No ta importante kiko e partido por hasi pami, sino kiko nan por hasi pa mi pais en general. Pesey tur dia mi ta traha duro manera mester ta pa mi pan di cada dia y no mester depende di ningun partido politico pa dunami di come. Hendenan cu mentalidad mane esun dibo tin Aruba caminda e ta aworaki, cu ta pensa riba nan probecho personal so...

mester
February 02, 2013
186.121.66.131
Votes: -4
...

Aki ta bai un mensahe pa e votador nan di AVP den Sabana Grandi,semper boso nan ta AVP esey ta un feit,pero mi pregunta ta cuanto biaha AVP tawata den Gobierno nunga e la duna boso nada,Tempo cu MEP tawata den Gobierno un tiki mas boso a bula cura pero boso a para ba boso palabra,Anto awe cu AVP ta sinti e rosea cayente cu tana caminda e di lage bai tira santo den boso wowo pa e biaha aki boso no bula e cura,i mi ta di opinion keda AVP hende cu no tin confiansa den nan mesum partido nos no mester den e fila di MEP

ronny dossantos
February 02, 2013
76.108.28.217
Votes: +2
...

Very well hopi contento Dios ta grandi VOICES have been heard
GOD BLESS MIKE EMAN GOD BLESS ARUBA!!

J. Croes-Henriquez
February 01, 2013
201.229.29.80
Votes: +3
...

Tremendo. Porfin un mandatario a yega Sabana Grandi. Ta di hopi tempo nos ta warda. Awo nos tey mira e cambio aki tambe. Porfin!

salvatore del pietro
February 01, 2013
173.255.188.2
Votes: +3
...

Bay ta ridic*lo, "cu Prome Minister ta yega hunto cu ekiponan di trabou di DOW, Serlimar, y otronan pa duna e bicindario un cariño". Awor un deber cu e pagado di belasting ta paga pa e ambtenaarnan balente hasi y cu anjas a decai na negligensia a bira un carinjo, Mike stop di ta ridic*lo si y cuminsa pone ordo den bo departamentonan.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter