Monday, 28 July 2014
Embahador di Panama a bishita Cas di Aruba Print E-mail
Friday, 01 February 2013 11:58
DSC_2063
Embahador di Panama na Hulanda, sr. José Manuel Terán Sittón, a haci un bishita oficial cerca Minister Plenipotenciario sr. Edwin Abath. E bishita di embahador Terán Sittón na Cas di Aruba, tabata riba encargo di presidente di Panama sr. Ricardo Martinelli.

Meta di e bishita ta pa papia ariba diferente tereno di cooperacion entre Panama y Aruba. Asina a intercambia di ideanan ariba e plan di Panama pa sera e asina yama “Scope Agreement” cu diferente pais pa stimula comercio liber. Esaki segun sr. Abath ta coresponde exactamente cu e vision di Gobierno di Aruba pa mediante cooperacion, stimula e concepto di Gate-way entre Latino America y Europa. Tambe ariba e tereno medico ta explorando e posibilidadnan di un cooperacion mas estrecho, permitiendo asina patientnan Arubano pa por bai Panama pa tratamento medico specialisa.

Durante e combersacion a toca e rol importante cu e compania di aviacion di Panama “Copa Airlines” ta desplega, na unda anualmente e ta trece ariba su vuelonan diario un total di 22 mil pasahero SurAmericano via Panama pa Aruba. Den e sentido aki e mandatario a informa embahador Terán Sittón encuanto e desaroyonan nobo ariba e tereno di turismo na Aruba: na luna di october di e aña aki Ritz Carlton hotel lo habri su portanan y e aña aki tambe lo cuminsa cu construccion di un Hard Rock Hotel & Casino.

Minister Abath a informa e embahador Panameño ampliamente di e congreso economico “Europe meets the Americas”, cual lo tuma lugar na Aruba di 6 pa 8 di mei di e aña aki. ‘Aruba ta boga pa atrae inversionnan ariba e tereno di tecnologia, sector financiero, turismo y logistico.’ E embahador di su banda a bisa cu Panama ta invertiendo 5 biyon di dollar den e canal di Panama y su hafnan.

Sr. José Manuel Terán Sittón, desde augustus 2012 a keda nombra como embahador di Panama na Hulanda. Sr. Terán Sittón ta medico di profesion. El’a ocupa diferente posicion gubernamental na su pais, entre otro e tabata Minister di Salubridad Publico.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter