| A funda ‘Aruba Birdlife Conservation,’ cu meta pa stimula amor y aprecio pa naturalesa y parha di Aruba |
 |
 |
| Friday, 01 February 2013 00:00 | |||
|
E fundacion lo enfoca su esfuerzonan pa percura cu ta eleva e oportunidadnan di existencia y sobrevivencia di especienan di parha cu ta bula den naturalesa y promove mantencion di nan especie, nan proteccion, reproduccion y trankilidad. Ademas, e fundacion lo cera alianza cu instancianan internacional renombra cu tambe ta para pa proteccion di parhanan den naturalesa. Lo traha pa publica material educativo no solamente na e ciudadano Arubiano, pero tambe na bishitantenan di nos pais pa nan bira consiente di e buniteza di parhanan di Aruba y asina tambe fomenta amor pa naturalesa di Aruba. Por acerca e fundacion pa medio di email Aruba.Birdlife.Conservation@gmail.com. Potret ta ilustra momento di e instalacion oficial di e fundacion. Fundadornan ta Drs. Annette Peterson, Drs. Greg Peterson y Dr. Tim Peterson. Sra. Annette Peterson-Bredie, popularmente conoci como Juffrouw Bredie di Colegio Aruba ta secretario di Fundacion Aruba Birdlife Conservation. Sr. Greg Peterson conocido fotografo amateur di parha ta presidente y tesorero ta Dr. Tim Peterson, conocido cirugano. Tambe por mira riba e potret, Notario Hilde Rodriguez-Taekema y su funccionarionan Sra. Vivian Maduro y Sra. Janine Wouters, kendenan a fungi como testigo.
Comentarionan (4)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
