Monday, 15 September 2014
Vice Presidente di Parlamento Dammers: Pa reunion Urirama por sigui publico mester comporta Print E-mail
Thursday, 31 January 2013 21:33

front

Despues di un reunion basta turbulento riba e tema di Urirama cu a cuminsa diahuebs den oranan di mainta, den oranan di atardi Christ Dammers, vice Presidente di Parlamento a dicidi di schors e reunion aki "tot nader order". Den combersacion cu e Vice Presidente di Parlamento, el a splica cu reunion a cuminsa den oranan di mainta den bon esfera, cu publico (di e bario) presente.

Na inicio tabata tin parlamentario cu a pidi pa haya mas informacion di e diferencia entre e Parke di Molina di vader Piet y esun cu tin pensa di construi na Urirama. Sinembargo dado momento pa algun di habitante e reunion a bira fastioso, ya cu nan a bin pa scucha con henter e proceso a cana y kico esaki ta nifica pa nan den futuro. Pero tin persona cu a bin, cu no tin nada di haber cu e bario, a bin pa saca probecho politico y ta expresa palabranan insolente ora cu Parlamentarionan tabata papia of otronan ta haci mescos den direccion di e Ministernan. Dammers a splica cu diferente biaha el a hala atencion di e publico, a bati cu su martiuw pa pidi silencio sinembargo nada di esaki a yuda. Personanan den tribuna cu a bin pa saca probecho politico no tabata permiti un reunion profesional. E haye ta schors diferente biaha y den careda di 6or, el a dicidi di schors e reunion aki "tot nader order". Vice Presidente di Parlamento a bisa tambe cu lo bay purba sigui cu e reunion aki mas lihe posibel. E siguiente biaha, segun Dammers, e lo habri e reunion splica e publico cu e ta buscando nan cooperacion pa e reunion sigui y si nan no ta coopera, lo saca un par di hende of henter, lagando nan sigui esaki na radio of internet. Sigui cu e desordo cu tabatin, e reunion no por sigui. Hopi a puntra di con no a saca e grupo cu tabata haci fastioso. Riba esaki Dammers a bisa cu el a trata di ta tolerante pasobra tabatin hopi interes pa e reunion. Hasta el a rabia hopi y a para e reunion un rato pa bolbe despues di algun minuut, pero e espacio aki no a yuda y finalmente el a para e reunion te proximo aviso.

gallery1 gallery1  

Comentarionan (1)Add Comment
Ban serio
February 01, 2013
201.229.43.1
Votes: -1
...

E mepistanan haciendo desordo atrobe nunca mas nan lo sinja nan tin cu warda hooooooooooooooooopi anja mas

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter