Monday, 22 December 2014
Prome Minister ta duna atencion inmediato na deseo di pueblo Print E-mail
Thursday, 31 January 2013 18:55
Comparti

IMG 4900

Diaranson ultimo Prome Minister Mike Eman a yega na cas di famia Thiel na Sabana Grandi. E cas aki a wordo bishita durante e Accion di Bario pasobra e mandatario kier a papia personalmente cu Sr. Olindo Thiel, for di ken el a ricibi algun tempo atras un nota. Mescos cu tur otro caminda, el a haya un bon bini cordial y riba porch a sinta papia. Aki sr. Thiel a splica Prome Minister Eman mas den detaye kico su famia ta anhela pa mira wordo cambia den e bario. “Mi a dun’e tur mi pensamento di loke e por haci pa Sabana Grandi.” Premier Eman a corda di a ricibi e nota ya cu el a hala su atencion pasobra e tabata skirbi na man y tambe dor cu ta referi na un peticion formal haci na aña 1982. Cu tur atencion Prome Minister a tende con cu den transcurso di añanan, e caminda di santo cu ta bay na cas di famia Thiel y di varios otro bisiña a bira mas y mas smal. Trahadonan cu mashin di DOW ta bin haci mantencion en berdad, pero ta yega te unda mondi grof ta cuminsa, cu ta hustamente e espacio cu a tuma for di e hanchura di e caminda original. Cu mapa traha, Sr. Olindo Thiel a splica Prome Minister, kico na su opinion por wordo haci. Na final sr. Thiel a conta kico Eman a palabra cu ne. “A palabra cu ta bay drecha e caminda, algo cu no ta pa mi so, pero pa tur bisiña.” E idea ta pa e caminda di santo bira hancho bek pa asina dos auto por pasa comodamente, sin peliger pa otro. Hunto nan a combersa riba e posibilidadnan y tambe a menciona e instalacion di palo di luz pa duna e area un poco mas di visibilidad y siguridad. Prome Minister a elogia Sr. Thiel pa e iniciativa cu el a tuma y e posicion cu el a asumi como vocero di su bisiñanan pa pone atencion riba e asunto aki. “Mi ta contento di mira con pro activo y prepara Olindo ta.” Di su banda, doño di cas tambe a expresa su satisfaccion di por a ricibi e mandatario y sinta papia cune. “Mi ta contento cu el a bin bishita mi.” Como cu Accion di Bario ta un recorido cu Prome Minister ta haci hunto cu funcionarionan di BoBario, DOW, Serlimar y otro departamentonan di gobierno, e por a atende mesora cu e asunto aki. Apenas algun minuut despues Premier Eman a reuni informalmente cu esnan di e departamento di obranan publico pa papia riba e peticion di Sr. Thiel. Cu e mapa den man di sr. Thiel, e mandatario a splica esnan di DOW kico mester wordo haci y di e manera aki a cuminsa hinca den otro kico ta e miho stap pa tuma. Esaki ta e esencia di Accion di Bario. No solamente lider di e pais ta yega mas cerca di su pueblo, pero ta atende cu asuntonan cu di importancia pa nan y pa e bario en general. Ta cana hunto cu esnan cu por haci algo of si no, ta canalisa cu e departamento indica. E idea ta pa duna un servicio directo na e ciudadano y cu e por wak cu e bario ta haya e atencion di su gobierno.

album album  

Comentarionan (1)Add Comment
Arubiano sin color politico
January 31, 2013
206.48.101.49
Votes: +0
...

Minister president, hopi respet pa minister su trabow, contento cu minister ta biS**tando tur bario y ta cana den pueblo, esaki merece un elogio sigur, e mesun bon bini cu minister ta hayando den tur bario mi ta sigur cu minister lo haya den boroncana, sero pela, alto vista y tur otro bario cerca di e proyecto Urirama, hopi bario cu envez di molina mester asfalt, tur e placa cu lo wordo gasta den e molinanan por huze pa pone asfalt den e barionan menciona, tambe si lo a keda sin pone e pavers nan den barionan poco mas pa nort lo por a resta placa pa un tiki asfalt aki banda. Welcom na nos barionan anytime

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter