Thursday, 18 September 2014
Indira Solognier ta e cara nobo di KPMG Aruba Print E-mail
Thursday, 31 January 2013 17:12

Indira 2

KPMG na Aruba ta contento di por anuncia cu nan ta yama bon bini na Indira Solognier (39) den e puesto di “Director Advisory” y “Office Leader”. Cu e adkisicion di Indira como e lider nobo di e oficina di KPMG na Aruba, nan ta anticipa di por brinda un servicio ainda miho na e clientela di Aruba. Indira Solognier a laga KPMG na aña 2002, despues di a traha cu e compania pa 5 aña como “Senior tax consultant”. El a adkiri experiencia na un compania di seguro conoci na Aruba durante e siguiente dos añanan y na 2004, el a cuminsa su propio compania. Despues di desaroya un compania exitoso, cual tabata activo riba tereno di duna conseho financiero y di seguro, Solognier a tuma e paso consciente di bolbe na KPMG. "Pa mi esaki tabata un paso logico. Despues di mas di nuebe aña di brinda servicio via di un oficina local, cu placer mi a tuma e oportunidad cu KPMG ta ofrece mi. E mercado y e tipo di trabao di conseho cu KPMG ta desplega y tambe pa forma parti di un red mundial profesional impresionante, manera esun di KPMG, ta pa mi e argumentonan mas importante pa mi a tuma e paso aki," asina Solognier a splica cu entusiasmo. "Cu su carera den maneho, finansa y evaluacion di riesgo y su experiencia como proveedor di servicio pa e clientenan exigente di e mercado di Aruba, Indira Solognier ta un adkisicion extraordinario pa nos oficina di KPMG na Aruba," asina Lindomar Scoop, Presidente di KPMG den Caribe Hulandes & Surinam, a expresa cu orguyo. E yegada di Indira ta tuma luga hustamente den e aña cu KPMG Aruba ta celebra su di 30 aniversario. KPMG ta activo riba e mercado Arubiano for di aña 1983 y desde su establecimento a realisa hopi proyecto den e sector publico como tambe den sector priva. KPMG a bira un parti indispensabel di e mercado Arubiano. KPMG lo engrandece su presencia mas ainda cu e yegada di Indira Solognier. E team di KPMG Aruba, di cual Audit Director Nicole Baptista ta miembro, hunto cu nan director y “Office Leader” Indira Solognier, ta trece un era nobo pa e oficina di KPMG Aruba. Tocante KPMG na Aruba KPMG Caribe Hulandes & Surinam ta parti di e red mundial di negoshinan profesional cu ta brinda servicio di Audit, Belasting y Conseho. Nan ta activo den 156 pais y tin 152.000 profesional trahando na e diferente establecimentonan rond mundo. Localmente, den e region Caribe Hulandes y Surinam, KPMG tin ademas di su oficina na Aruba, oficinanan na Surinam, Boneiro, Sint Maarten, Cuba y Corsou.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter