Saturday, 30 August 2014
Rene Herde oposicion mester compronde cu e relacion di aruba y hulanda no ta uno di finanzas Print E-mail
Wednesday, 23 January 2013 08:48
DSC_2063
Oposicion mester compronde cu nos relacion cu Hulanda no ta uno di finanzas segun Rene HerdeDen conferencia di prensa di AVP Rene Herde a papia tocante e relacion di Aruba cu Hulanda como e tabata antes cu tabata tin hopi dependencia y awor cu ta un relacion di cooperacion.

El a ripara cu durante e bishita di Senado di Hulanda na cuminzamento di anja y e dianan aki di minister di Asuntonan di Reino minister Plasterk, cu oposicion ta sigui pega na e relacion di antes y esey nan a mustra caminda hasta nan a entrega un nota na e minister cu informacion riba Aruba, mientras cu tur informacion di Banco Central, CBS y tur otro instancia Hulanda tine. El a splica cu mundo awor ta traha transparente y e gobierno aki kier traha transparente tambe.

El a bay mas leu na e anja 1999 cu gobierno di AVP a dicidi di trece un cambio pasobra e relacion entre Hulanda y Aruba tabata mucho domina pa dependencia caminda cu nan tabata duna e islanan aki placa loke a crea e dependencia aki sin habri espacio pa un comunicacion habri. E politiconan tabata core bay Hulanda pidi placa y Hulanda tabata laga sa cu ta nan ta dicidi con, kico y na cual compania. AVP a bisa cu e relacion aki no ta bon pasobra nos pais no tabata desaroyando su mes capacidad como isla y tabata kedando den un relacion di dependencia. Un proceso a cuminza na 1999 cu a culmina na 2009 cu Hulanda no a hinca mas placa na Aruba. Herde a bisa bon cla cu e relacion entre Aruba y Hulanda no ta uno di finanzas y loke e ta lamenta ta cu ora tin politico di Hulanda of miembronan di Tweede Kamber ta bin Aruba, esnan di oposicion tradicional ta core duna keho y ta mustra cu nan ta sigui pega na e relacion bieu. Segun Rene Herde e mesun miembronan di Senado y e Minister Hulandes a ripara esaki y a laga sa cu e asuntonan interno di Aruba ta Aruba mes tin cu atende nan.

Herde a pone acento cu  Hulanda su interes primordial awor ta Europa, cu awor ta pasando den un crisis serio cu mester wak con pa sali afo di dje, y e interes den e islanan di Reino ta minimal, y incluso mayoria di politiconan y di e comunidad Hulandes lo a prefera pa e relacion cu e islanan aki termina. Pesey e gobierno di Aruba 3 anja pasa a tuma e iniciativa di boga pa ta den e Reino pero un Reino di dependencia si no di cooperacion y por mira con e relacion a cambia entre tur dos gobierno y parlamentonan, den sentido di purba yuda otro trata y yuda resolve problemanan comun.

 

Comentarionan (5)Add Comment
The Observer
January 23, 2013
201.229.43.139
Votes: +1
...

Aunque e gobierno/parlamento aki tin hende cu e capacidad, y mas importante ainda, e bon bolundad, toch mester lamenta cu e tin hende cu ta carece principalmente di e bon boluntad. Un ta daña pa otro. Ta parce cu lo tin un role model robez den cabez di algun of hopi, cu ta den conflico cu virtud absoluto, den conflico cu bondad. Nos por haci tur cos cu nos kier, pero nos mester para responsabel pa e consecuencianan di nos actonan den bida. Y, ta nos tur un dia lo mester muri den e bida aki... Laga nos no descubri te cu e ora ey, cu nos alma ta maligno den bista di e Dios Tata, e Tata di Cristo Hesus. “Bida” no ta caba ora e bida di e mundo aki termina...no... Wowo di hende no ta capaz pa mira tur cos...nos no por mira biento... Parlamento di Aruba lo mester cuminsa duna nos pueblo e respet debido...

jos
January 23, 2013
201.229.78.142
Votes: +7
...

coregimi si mi ta fout pero ta palabranan cu sr herde mes a bisa (Hulanda su interes primordial awor ta Europa, cu awor ta pasando den un crisis serio cu mester wak con pa sali afo di dje, y e interes den e islanan di Reino ta minimal) cu otro palabra sr herde ta bisando e pueblo pagador di belasting cu bo bula ariba cay abow gastamento di placa hiba pais ARUBA den un crisis financiero na man di e gobierno aki di avp ta bay sigi cu pueblo pagador di belasting gusta of no

The Observer
January 23, 2013
201.229.43.139
Votes: +5
...

Acaso tin hendenan den gobierno actual cu paso pa paso kier pusha Aruba den independencia? Si Corsow a haya placa fia for di Gobierno di Reino, bou di e condishon cu Gobierno di Reino ta controla con e placa ta wordo inverti, nos lo por conclui pa ki motibo gobierno di Aruba no ta haya placa fia for di Hulanda. Gobierno di Aruba no kier pa Gobierno di Reino vigila directamente finansas di Aruba? Kiko tin di sconde? Si acaso tin hende cu durante tur gobernashon a busca independencia, lo ta pa motibo cu nan wowo lo ta riba Setar, Elmar, WEB, Aeropuerto, postkantoor, Cable TV,etc. Si Aruba bira independiente ta facil pa kita tur esakinan for di e pueblo...toch? Pero lo ta gobernante cu lo tin wowo ariba esakinan of lo ta comerciante cu kisas ta sponser tur e partidonan politico pareu??? Universidad di Aruba Dr. Eva Latham a menciona???

Spotlight_101
January 23, 2013
201.229.126.192
Votes: +5
...

Papia y scribi hopi ta su modalidad di e criatura chikito aki. Pues sin contenido y sigui llena pagina di prensanan pa ta den "picture" pero ya e dinosaurionan aki mester a retira hopi tempo caba foi politica pa habri caminda pa hende mas experencia y cu No ta papia cos bruha. Loke mi a deduci di e relato aki ta cu pais Aruba lo ta prostitui cu Hulanda pa un bon relacion!

politiek2013
January 23, 2013
190.2.160.238
Votes: +8
...

stop di draai rond di e problema Sr. Herde!!! of ta wak bo no ta wak e problema??

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter