Sunday, 21 September 2014
Glitz Casino ta habri na La Cabana Beach Resort, Eagle Beach Print E-mail
Tuesday, 22 January 2013 23:30

casino

E dama di suerte, "Lady Luck" a muda bay biba na Glitz Casino di La Cabana Beach Resort, Eagle Beach, cu e Gran Apertura di e casino riba diaranson anochi. Esaki ta su siman di apertura y ya caba Glitz ta regalando un total di Afl. 20,000 entre bishitantenan durante su prome cuater dianan como un regalo di "bonbini" pa esnan cu registra na e Player's Club.

Na momento cu e bishitante registra e ta haya su miembresia y un ticket gratis pa participa na e rifanan. Ademas, miembronan di e Player's Club por gana ticket extra: pa cada 100 punto acumula nan ta haya un ticket extra. FEEL THE VIBE di dia 24 pa dia 27 di januari, ora cu tur anochi Glitz Casino ta regalando Afl. 5,000 cash, pa un total fabuloso di 20 mil florin! Registra tempran pa asina bo tin mas chens pa gana. E premionan cash lo wordo rifa cada ora for di 7'or pa 10or di anochi. E casino ta habri pa publico general despues di 10or di anochi diaranson - despues di e cortamento di cinta, te cu 4'or di mainta y for di diahuebs padilanti Glitz Casino ta habri tur dia di 10or di mainta pa 4'or di mainta. Pa "kick off" e celebracion di apertura, Glitz Casino tin Dushi Band riba diahuebs. Dos talento hoben local, Levi Silvania y Angelo Koolman lo entretene bishitantenan riba Dia di Betico y diasabra, e grupo mas alegre - Grupo di Betico lo ta riba stage. Pa cera e festividadnan, riba diadomingo Tsunami lo ta "den cas". Glitz ta ubica den e lobby di La Cabana Beach Resort y cu placer t'ey pa sirbi nos localnan, como tambe nos bishitantenan. E casino yen di ambiente tin 200 di e jackpotnan y machinnan di Poker di mas moderno y miho pagado, di cual hopi ta traha cu un programa 'progressive'! Y si weganan di mesa ta loke abo ta prefera, nos tin nuebe mesa pa bo scoge bo wega preferi, sea ta Blackjack, Roulette, Baccarat of e wega "nobo nobo", cual ta Pyramid Stud Jackpot Poker. Glitz Casino tambe tin e venue mas nobo pa disfruta di bon entretenimento na Aruba, The Liquid Lounge, cu un "sunken bar" y lo mas moderno den sistema di zonido y efectonan di luz. Glitz Casino ta e unico casino na Aruba cu ta introduci e cerbes Belgo di calidad superior Stella Artois como su "house beer". Nos bar ta ofrece 12 jackpot cu multiple wega pa e hungado mes scoge, cual ta inclui video slots, video Poker, video Keno y video Blackjack. Aki, bo por hunga 5 cen te cu US$5 y algun jackpot di Poker ta ofrece e unico "bar-top progressive" na Aruba. E bartendernan experto di The Liquid Lounge por crea cualkier bebida special y tur dia ta celebra Happy Hour di 6or pa 8'or di anochi cu tur nan huespednan. Durante e Happy Hour tur dia e bartendernan ta introduci un bebida special y tambe tin un oferta di 2-for-1 pa cerbes, biña y otro bebidanan, mientras e miho bandanan di Aruba ta entretene nos bishitantenan for di e stage colga riba nos bar. No tin otro: bishita nos na Glitz Casino y "Feel the Vibe"!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter