Energia alternativo tabata un topico cu tambe a haya atencion di Minister di Asuntonan Externo y di Relacionnan di Reino Plasterk, kende tabata na Aruba riba un bishita cortico. “Na Hulanda tin hopi experticio riba tereno di durabilidad”, asina Plasterk a bisa den su encuentro cu prensa di Aruba. Hulanda tin bon universidadnan tecnico cu ta enfoca riba energia solar y di biento. Nan ta continuamente den desaroyo. “Universidad ta un cos, practica ta e otro. Ora bo ta papia di solo, biento y mareo, anto masha lihe bo ta yega na e parti aki di Reino. Mi tin hopi confiansa den e direccion cu Aruba a scoge pa bay. Esaki ta e base pa un cooperacion inspirativo den Reino”, tabata Plasterk su conclusion di su bishita na Aruba. Pa loke ta e situacion financiero di Aruba, Minister Plasterk tabata masha corto y cla. “Cada pais den Reino ta responsabel pa su propio maneho financiero. Pero, mi a constata si cu desaroyonan preocupante cu tabata existi, ta bayendo awor den bon direccion. Gobierno ta tene bon cuenta cu esaki. Como un minister di un otro parti di Reino, mi ta mira esaki cu sentimentonan di hopi confiansa”. Plasterk ta encanta cu e proyecto na unda barionan ta wordo drecha. Mescos cu e proyecto revitalisacion di caya grandi y e infrastructura tur rond di Aruba. Proyecto Formacion Social a capta su atencion completo. “Mi a papia cu e hobennan aki y mi mester bisa cu mi a keda impresiona di tur loke por wordo logra den un tempo cortico. Nan ta haya les den disciplina y esaki ta bay yuda nan despues”. E proyecto tram y cera caya grandi pa logra atrae mas turista den centro di ciudad ta muestra di dinamismo y vision, tabata e opinion di Plasterk. Plasterk a conta cu masha entusiasmo di e yegada di Ockels na unda e tabata presente. “Nos ta orguyoso di Ockels y su cooperacion cu e hendenan di Aruba. Tambe den yuda cu proyectonan duradero. Prensa a puntra Plasterk cuanto placa Ockels ta bay costa Aruba y corectamente e minister Hulandes a contesta cu esaki no ta un pregunta p’e. Ni tampoco e ta na altura di e gastonan aki. Riba e pregunta di prensa kico ta su opinion riba e nota di finanza cu a wordo entrega na ne dor di oposicion Minister Plasterk a bisa di no a les'e ainda, pero si a haya e impresion di un que otro den su combersacion cu oposicion e mainta ey. Pa loke ta e relacion di Aruba cu Reino Plasterk a bisa cu mester mantene e tono positivo pa atende cu otro. “Nos no mester wak patras, pero enfoca riba futuro. Esaki ta e posicion cu mi a topa aki na Aruba y nos mester keda manten’e”.

Comentarionan (1)

Mustra/Kita comentarionan

...

Team di campaya 2013 di Mike mes ta toka, nan mes ta baila. Nan mes ta traha un 'heading' pa e noticia como si fuera ta asina a pasa of ta asina a ser bisa.

Sigi traha e bom....

serapio di mahuma , January 22, 2013

• 
• +2
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi