Saturday, 19 April 2014
Minister Visser ta elogia OPPA pa nan tremendo evento enfocando riba salud y movecion Print E-mail
Tuesday, 22 January 2013 17:25

DSC 0738 (Copy)

E prome actividad di e organisacion pa pensionadonan, OPPA, cual a tuma luga atardi na e cuminsamento di e 'linear park' tabata hopi bon atendi. Minister di Salubridad y Deporte, dr. Richard Visser tambe a atende e evento social aki y tabatin hopi elogio pa e forma cu OPPA a "kick off" e celebracion di nan prome lustro cu un enfoke riba movecion y salud. E gran celebracion di e di cinco aniversario di OPPA lo tuma luga na augustus, pero e organisacion tin intencion pa trece miembronan hunto un biaha pa luna cu un actividad cu ta motiva actividad, contacto social, movecion y amistad. Na departamento di asuntonan social tin 17 grupo registra cu ta traha cu hende grandi pa nan keda activo y banda di esaki tin hopi grupo chikito di famia y amigonan cu ta organisa actividad of ta atende actividad hunto. Esaki ta algo cu Aruba sigur por ta orguyoso di dje y mester motiva y fomenta e custumber pa haci movecion, como tambe e comportacion y custumbernan cu ta promove un bida mas saludabel pa nos grandinan, segun Minister Visser. World Health Organization (WHO) y Pan American Health Association (PAHO) pa hopi aña caba ta poniendo hopi enfasis ariba e importancia di "healthy ageing", o sea bira bieu siendo saludabel, y awo ta añadi un enfoke mas grandi ariba "active ageing", pues bira bieu siendo activo. Aruba ta experenciando un "vergrijzingsproces" bao nos populacion, unda cu hendenan ta biba mas largo. Naturalmente tur hende kier biba mas largo y ta esencial pa nos hendenan yega un edad respetabel y por disfruta di berdad di nan pensioen cu bon salud, activo y alegre, Minister Visser a expresa. Ainda falta algun bario pa uni na esnan cu tin programanan estableci caba y asina ofrece oportunidadnan dibertido pa nos grandinan por keda activo, e mandatario a añadi. Minister dr. Richard Visser ta considera envehecimento activo un prioridad ya cu actividad fisico ta tene curpa y menta sano. Fundacion Movimento ta Bida ta un di e organisacionnan cu ta conta cu sosten di IBiSA y entre su obhetivonan tin pa ofrece nos grandinan mas oportunidadnan pa reuni y disfruta di haci ehercicio facil y dibertido hunto. E organisacionnan aki lo sigui cu nan actividadnan durante henter aña y Minister Visser kier invita tur hende, pero particularmente nos hendenan grandi pa participa na e actividadnan aki. Minister Visser tabatin hopi elogio pa OPPA cu nan iniciativa pa habri e aña di celebracion riba bon pia y activo, haciendo uzo di un di e facilidadnan mas nobo na Aruba cual ta ofrece un bunita luga pa cana, core y hasta hasta practica actividadnan den grupo manera Tai Chi y ehercicio cu musica. END

album album album
album album album
album album album

Comentarionan (2)Add Comment
Black P
January 22, 2013
201.229.74.139
Votes: +5
...

Mihor e bai wak kico ta sosodiendo cu falta neurologo aki na Aruba. Tristo. Mihor cuminsa ruim op lessenaar pa otro bin traha.

johantromp
January 22, 2013
201.229.17.217
Votes: +9
...

Minister miyonario, ya cu bo a hanja bo kier di por bira minister manera semper bo tawata kier. Scirbie arriba bo curic*lum i ta basta. Bo tawatin 4 anja pa hasi algo pero te awe nada. Si no ta pa Mike, cu su team di Bo Bario, e gobierno aki lo a bai 4 anja sin hasi nada pa deporte. Awo cu bo a ripara cu nan ta raspando bo, awo bo kier bin duna show i saca potert, wel bo ta hopi laat. E actitud dibo cu si abo no ta gusta un deporte, bo no ta coopera cune, a caba cu deporte na Aruba. Miho bo bati retirada, i laga posishon pa un cu si kier traha pa nos deporte.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter