Monday, 22 December 2014
Sea parti di solucion 28 di Januari: promer sesion informativo tocante enbehecimento Print E-mail
Tuesday, 22 January 2013 12:46
Comparti
DSC_2063
Camara di Comercio, hunto cu ATIA, San Nicolas Business Association y Mambo, lo organisa e promer di seis sesion pa informa tocante enbehecimento di nos poblacion.

E proceso di enbehecimento di nos poblacion ta socediendo hopi mas liher compara cu na otro paisnan desaroya. Entre 1960 y 2010, e cantidad di persona di edad 60+ a crece cu 675%. Tambe gradualmente Aruba conoce menos nacemento, cu ta haci cu den futuro lo tin menos hoben disponible pa traha. E proceso ta crea e situacion unda tin mas hende ta saliendo for di nos forsa laboral cu tin hoben drentando. Consecuencia di enbehecimento di nos pais E consecuencianan ta diverso. E grupo cu lo ta cobrando AOV lo bira hopi mas grandi compara cu e grupo cu ta traha y contribui na e fondo. Medida pa coregi esaki lo mester ser tuma, sea den forma di aumento di prima, of aumento di edad di pension. Gasto di cuido medico lo aumenta, ya cu personanan grandi ta requeri mas cuido medico compara cu esnan mas hoben. Consecuentemente e trahador tin cu aporta mucho mas di su salario na AZVy AOV pa por keda carga e gastonan. Tambe nos mester cuminsa pensa con nos ta bay handle e cuido specializa cu un parti di poblacion grandi cu ta yega na edad halto. Banda di reto, e proceso aki ta trece tambe oportunidad di negoshi pa atende necesidad y deseo di e grupo di 60+ cu den futuro ta un parti grandi di nos comunidad.

Esey por encera produccion di cuminda specializa, pero tambe servicio di adaptacion di vivienda, transporte specializa, etc. Meta di sesion Meta di e sesion ta pa comparti informacion correcto tocante e topico. Martijn Balkestein di Centraal Bureau voor de Statistiek (CBS) lo conta con e situacion actual demografico ta na Aruba y kico ta e prognostico di CBS. Despues Frank Snijders, specialista financiero, lo elabora mas ariba e parti di e pension. Tur presente lo haya e oportunidad pa comparti opinion y trece nan idea dilanti, y asina forma parti di e solucion di kico ta mihor pa nos comunidad encuanto e topico aki. Promer sesion ta dialuna 28 di januari Tur hende ta invita pa atende e sesionnan informativo, cu lo tuma lugar ariba e siguiente fechanan, cuminsando dialuna awor na Camara di Comercio, di 7:30 pa 9:00 di anochi. Entrada ta gratis.

Dialuna, 28 di Januari, 2013 na Camara di Comercio na Oranjestad Dialuna, 25 di Februari, 2013 na YMCA San Nicolas Dialuna, 25 di Maart, 2013 na Centro Deportivo Tanki Leendert Dialuna, 22 di April, 2013 na Centro di Bario Savaneta Dialuna, 27 di Mei, 2013 na Club San Martin na Santa Cruz Dialuna, 24 di Juni, 2013 na ATIA Building na Oranjestad Informacion Na KvK y riba www.arubachamber.com por haya un flyer informativo tocante e sesionnan. Si tin cualkier pregunta of pa registracion favor di tuma contacto cu KvK libremente, na tel. 582.1566 of businessinfo@arubachamber.com.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter