Thursday, 17 April 2014
Santa Rosa su di prome mercado ta priminti di bira grandi cu mas di 30 tent di diferente productonan fresco Print E-mail
Tuesday, 22 January 2013 11:24
DSC_2063
Santa Rosa ta sumamente contento cu e reacion di e diferente Cunukeronan cu a jama pa registra pa un booth y asina forma parti di e grandioso Mercado di Santa Rosa. Pa tur cunukero, cu tin productonan di tera, boso ta mas cu bon bini y por jama Sra. Eisha Esser pa e por registrabo.

E biaha aki e Mercado di Santa Rosa lo conta cu e diferente productonan fresco di semper manera e carni cabrito, carne, porco, galina, webo fresco, lechi di baca y di cabrito, diferente fruta, berdura local manera Calabas Largo, Comcomber, Papaya, Batata Dushi, Pampoena, Pinda fresco herbi y diferente otro productonan herbal, liquor y snacksnan vegetariano, diferente matanan di fruta, berdura, productonan pa salud produci di Aloe, diferente productonan natural pa cuida bo salud, honing y tambe lo tin pa prome biaha, jam y liquor di Cashew, carni di baka fresco y hopi mas.

Pa esnan cu ta gusta nos dushi platonan local, lo tin standsnan cu cuminda tipico, e boca dushinan di semper y diferente bebidanan natural pa kita sed como tambe un bar bon surti. Pa esnan cu tin yui, no precupa pasobra nos muchanan lo por hunga y pasa dushi den nos Cunucu di Chabelito mientras nan ta disfruta di e diferente bestianan nobo cu nos a ricibi den Cunucu di Chabelito. TAmbe lo tin e oportunidad di cumpra Pato y Hamster pa esnan interesa.

Pa nos clientenan, Santa Rosa mes lo bende matanan di fruta y berdura, simiya, productonan pa bo bestianan, vitamina pa bo bestianan, gordura, pechinan bunita cu emblema di Santa Rosa y hopi mas. Nos coleganan lo tey presente pa contesta cualkier pregunta cu boso por tin y pa yuda cu cualkier sugerencia. E Mercado lo tuma lugar for di 9 AM pa 1 PM, asina ta yega trempan pa bop or disfruta di e dia. Y keda pendiente pasobra lo tin un presentacion sorpresa e dia aki pa trece e ambiente di semper.

Pa esnan cu nunca a bishita nos Mercado, nos kier extende un invitacion special pa boso bin y asina wak cuanto productonan fresco por wordo produci na Aruba mes. Tambe Santa Rosa kier pidi tur companianan di tour cu kier tuma un stop cortico boso ta mas cu welcome y tambe na tur hotel concierges nan, nos ta aprecia boso cooperacion pa invita tur bishitante hospedando serca boso pa nan tambe bin bishita e tremeno “Farmers Market di Santa Rosa”. Y un invitacion extra special ta bay na tur nos Chefnan di e diferente restaurant nan na Aruba pa pasa y combersa cu nos productornan y hasi huzo di e mercado pa boso por cumpra productonan fresco directamente for di nos productornan local.

Santa Rosa ta pidi tur esnan cu a registra, pa porfabor jega trempan pa bo evita di tin cu drenta cu auto ora cu ya e Mercado a cuminsa. Pa motibo di seguridad, 8:30 AM, lo stop tur auto di subi e tereno di Mercado pa baha nan productonan, asina ta pa evita extra trabou di carga nos ta hasi un suplica tur hende pa jega trempan. Pa esnan cu kier bin cu nan grandinan, nos tin parkeo paden.

Minister Oduber conhuntamente cu henter e famia di Santa Rosa ta invita henter e pueblo di Aruba pa bin celebra Dia di Betico den un ambiente crioyo for di 9AM pa 1 PM na Santa Rosa. Corda cu ana 2013 ta ana di planta, bin Santa Rosa pa bo tambe join e grupo grandi di esnan cu a dicidi pa cuminsa produci y sostene nos productonan local.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter