| Ta pospone ceramento di un parti di J.E. Irausquin Boulevard cu 2 siman |
 |
 |
| Tuesday, 22 January 2013 10:01 |
 Departamento di Obra Publico ta trece na conocemento di pueblo cu lo pospone e ceramento di un parti di e J.E. Irausquin Boulevard pa construccion di un duiker na haltura di Oceania Resort cu dos siman.
E motibo ta cu e contratista encarga cu e ehecucion di e proyecto a haya un retraso cu entrega di e tubonan cu ta necesario pa construi e duiker. E contratista lo cuminsa traha si e siman aki riba e aceranan banda di Oceania Resort cu e consecuencia cu e peatonnan por lo pronto no por haci uzo di e aceranan aki. DOW ta pidi comprension y disculpa pa cual kier inconveniencia cu e cambio por ocasiona. |
Mustra/Kita e formulario di comentario
