Tuesday, 29 July 2014
ODEA ta cumpli 24 aña di excistencia cu retonan crucial pa enfermeria na Aruba Print E-mail
Tuesday, 22 January 2013 08:42
DSC_2063
Na 1989 un grupo di enfermera(o) nan a mira e importancia pa a uni nan mes pa organisa y lanta un fundacion pa representa e grupo mas grandi, e curason di salubiridad, cu ta enfermeria na Aruba.

Pa mantene un organisacion bibo pa 24 aña activo no ta un tarea facil y no ta danki na un persona, sino danki na un lucha y perseverancia di un cantidad grandi di enfermera(o) cu a sigui cu e vision di e organisacion. Den transcurso di e añanan di excistencia O.D.E.A. tawatin diferente President y diferente miembronan di directiva, tur a hasi possible conhuntamente cu e miembronan cu ta mira e importancia pa ta miembro di nan organisacion.

Manera tur organisacion ODEA tambe a enfrenta su “ups and downs”, pero awe mas cu nunca ODEA ta den su “ups”pa e simpel motibo cu enfermeria ta y lo keda e curason di salubiridad y esaki ta wordo demostra dia pa dia cu tur hende ta mas conciente cu salubiridad lo no por functiona sin e presencia di un enfermera(o). Esaki ta cuminsa cu niun dokter lo por functiona si su mes lo tin cu duna e cuido na tur su patientnan y keda 24 ora banda di cada patient, pasa kas pa kas pa duna cada patient e cuido cu nan tin derecho ariba dje. Ningun instituto lo por functiona sin tin enfermera(o) nan ta cumpli cu nan function 24 ora pa dia.

Enfermeria a cuminsa cu “the Lady with the lamp” pero awendia un enfermera ta studia minimo 3 aña largo pa e por gradua y pa e por carga e titulo di ta un enfermera(o) cu ta capas pa carga e responsabilidad di e cuido di e patientnan.

Enfermera(o) na ta specialisa nan mes den diferente ramo pa por brinda e mihor cuido na su patiëntnan y esaki enfermera(o) a nan a demostra di por carga diferente responsabilidad den nos comunidad e.o. director di institutonan manera Casa Cuna, Wit Gele Kruis, SABA. Nos tin un enfermera cu a fungi como parlamentaria. Nos Minister di Salubiridad actual ta un enfermero. Nos tin enfermera den staf na Universidad di Aruba asina nos tin hopi mas ehempelnan di kon nos enfermeranan ta contribui den salubirdad.

ODEA ta comparti e reto di nos director actual di Dr. Horacio Oduber Hospital di por mira un enfermera(o) den e function di director di nos Hospital.

ODEA a regresa di e ultimo conferencia di CNO (Caribbean Nurses Oraganization) cu diferene retonan crucial, e.o. garantisa cu den tur instituto y gobierno di su pais tin enfermera(o) den staf.

Ta mundialmente demostra cu enfermera(o) ta e unico cu ta 24 ora banda di e patient y ta esun cu un y tur lo tin mester di nan experticion pa por logra resolve y reduci e gastonan den salubiridad.

Nos tur ta conciente y preocupa cu e scarcedad di enfermera(o) cu ta creciendo mundialmente, pero poco ta para keto na e motibonan cu ta occaciona esaki. Tur hende ta desea y tin derecho ariba e miho cuido pero esaki por wordo duna solamente si nos tin suficiente personannan capacita pa ehecuta esaki. Ni maske kon studia un enfermera por ta, ni cuanto amor un enfermera por tin pa su profecion, manera nos grandinan ta bisa: “ta dos man so nan tin”. Nos no por brinda e cuido cu nos ta desea, si no tin suficiente enfermera pa hasi tur e trabao.

Den aña 2013 ODEA ta para dilanti retonan grandi y crucial pa cu enfermeria. Esun cu tin nos mas precupa ta cu Gobierno tin e intencion pa introduci un ARU-BIG, cu e concepto cu nos a ricibi no ta conta cu nos sosten! Nos a duna nos recomendacionan y nos ta pendiente pa e revision pa por sigui trata esaki y pa por traha ariba tur e concequencianan positivo y negativo cu e ley aki lo trece cune, cu sigur no lo contribui na engrandece scarcedad den enfermeria. Nos lo tin cu bai traha hunto pa pro “close all the gaps”cu e ley aki to trece cune.

Calidad di nos studiantenan cu ta gradua na nos intituto di Enfermeria na Aruba; EPI Salubiridad & Servicio ta wordo questiona y enfermeranan cu a kaba di gradua ta wordo paga y trata como “Junior-Verpleegkunidgen”cu ta conduci cu nos studiantenan ta wordo demotiva pa keda Aruba door cu nan no ta wordo reconoci na nan mes pais. Ta mas cu logico y nos ta sostene nan pa opta pa bai Hulanda pa sigui studia, caminda cu si nan ta por traha y specialisa na mes pasobra eynan si nan diploma ta wordo reconoci, sin ningun problema. Cu consequencia tambe cu ora nan regresa, esta si nan regresa, nan no ta desea di traha unda nan no a wordo balora pa nan diploma.

Nos tin enfermeranan ta bandona enfermeria pa bai traha den otro sector prome cu na comete un error y wordo huzga pa cu esaki, debi di e presion enorme cu nan ta bin ta traha, door di e mesun scarcedad di enfermeria.

Despues cu aña pasa ODEA a introduci Walden University na tur instituto, EPI Salubiridad & Servicio, Universidad di Aruba y gobierno di Aruba. ODEA no lo no para keto pa den 2013 mira e acuerdo entre Aruba y Walden University wordo firma pa asina habri caminda pa tur hende trahando den enfermeria por sigui educa nan mes, sin mester bandona nan trabao pasobra tur programa di Walden University ta “online”.

Pa por hisa e calidad di servicio cu nos tur tin derecho pa ricibi tur “stakeholders”mester jega na sinta hunto na mesa pa hunto jega na solucionnan structura y national na bienestar di nos tur pasobra nos niun no sa na ki momento enfermedad ta bati na nos porta.

ODEA ta felicita cada enfermera(o) cu anniversario di nos orgnisacion y ta extende un invitacion pa por cuminsa reserva e fecha di 16 di Februari cu nos lo tin nos prome symposium pa 2013 cu e thema: Expectancy of the Human Being”, are we prepared for the future?

Nos ta desea e pueblo di Aruba pa celebra carnaval na un manera responsabel cu bo por keda conciente di tur bo actonan, sin mester haña bo den ningun situation indeseabel y irrevisibel.

Cuida nos muchanan di e solo, hunta na cu sunblock, bisti nan un pechi, percura pa na bebe hopi liquido,especialmente awa, laba na man bon prome cu nan mishi cu e caminda cu nan ta bai kome. Tin extra wowo pasobra nan ta lihe. Nos hobennan korda cu ta un bida, un curpa bo tin cu abo ta responabel pa cuida esaki. Controla uso di alchol y keda leeuw di droga pa majan bo no tin cu lamente kiko bo a hasi ora bo tawata boa influencia.

Adulto/mayornan nos ta e ehempel di nos juinan /muchanan. Ban duna nan e mihor ehempel pasobra nan ta e generacion di majan cu ta bai imita loke nos a hasi awe.

Cuida nos ancianonan, cu tambe tin derecho di celebra y difruta di nos carnaval.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter