Thursday, 24 July 2014
Arikok ta finaliza un aña di monitormento di raton di anochi Print E-mail
Tuesday, 22 January 2013 08:39
DSC_2063
Cu hopi orgullo  Parke Nacional Arikok kier a informa pueblo enter di su finalizamento di un aña di monitormento di raton di anochi.

Durante e lunan di Maart te cu Januari  team di Parke hunto cu su fiel partner DLVV a bishita differente sitio den Parke pa asina investiga e estado di nos raton di anochi

Conocemento riba e tereno di investigación tawata resultado di un tayer extensivo duna door di expertonan envolví den e proyecto aki; Fernando Simal (Stinapa) y Jafet Nassar (IVIC). E monitormento di raton di anochi ta parti di Parke su mision pa conserva, proteha y crea concientizacion di nos flora y fauna.

Kico ta wordo haci?

Monitormento di raton di anochi ta parti di un investigacion duradero di Parke pa asina cumpli cu e meta principal di proteha y  restaura e fauna pa loke ta raton di anochi na Aruba y tambe nan habitat. E investigacion ta tuma luga a base di un plan strategico y multifaceto cu ta consisti di diferente componente. E componente mas importante awor aki ta esun di e investigacion basico. Durante esaki team Arikok y su partnernan ta investiga diferente factor manera: tipo di especie cu ta wordo haña na Aruba, e dinamismo di nan populacion,  nan dieta y nan necesidadnan concerni cu nan habitat. Actualmente a identifica ocho diferente especie identifica; Glossophaga longirostris, Leptonycteris curasoae, Mormoops megalophylla, Molossus molossus, Pteropteryx macrotis, Pterontus davyi, Myotis nesopolus  y Natalus stramineus.

Dicon ta monitor raton di anochi?

Raton di anochi ta un especie esencial pa Aruba su naturaleza  y su biodiversidad.  Nan ta un di e unico polinador di diferente especie di cadushi ( Cerus repandus, Pilosocereus lanuginosus, Stenocereus griseus) y agave (Agave cocuty). E rol importante di raton di anochi ta bira mas cla ora  ta realiza cu e diferente especienan di cadushi y agave na nan turno ta cuminda y bebida pa diferente otro animal manera: parha, bij, vlinder, lagadishi etc etc.

Na unda ta monitor?

Despues di un inventario den Parke pa averigua cua te e mihor sitionan pa monitor a  conclui cu esakinan ta; Wela, Baranca Sunu(Tunnel of love), Guadirikiri y Mira Lamar. Naturalmente esaki no ta exclui cu tin hopi otro sitio cu ta di gran importancia y cu tambe ta  fungi como habito di e raton di anochi.  Den futuro sercano Parke lo kier sigi explora sitio nobo pa investiga.

 

Kiko ta algún resulado preliminario despues di un aña?

Mane a wordo splica den articulonan anterior nos cuebanan den Parke ta sumamente importante pa nos raton di anochi. Por ehempel cueba di Guadirikiri  ta hopi importante pa e especie Mormoops megalophylla.  

Tambe por conclui preliminariamente cu e especie Leptonycteris curasoae tin e habilidad di migra entre cueba (bai di cueba pa cueba) y ta husa differente cueba como cueba di maternidad. E información aki tin diferente implicación, manera; e especie di raton di anochi no ta usa un cueba so pero por ta depende di e situación di diferente cueba riba nos isla.

Mas recente a logra di identifica  dos raton di anochi  procedente di Bonairo na Corsow. Nan a wordo reconoci danki na un codigico único riba un renchi cu nan ta carga.  Tin indication cu e ratonan aki a traslada for di bonaire pa corsow pa asina precura pa  nan por hanja cuminda. E hecho aki por indica cu  nos ecosystema ta forma un  parti di un sistema ecológica regional  y cu  partnerschap entre Corsow y bonaie ta clave pa por proteha eregional e ratonan di anochi di  di bonaire  por traslada nan mes di un isla pa otro pa asina

 

Kico abo por hasi?

Un y tur por aporta na diferente manera na conservacion di nos ratonnan di anochi y asina tambe nos naturalesa. Un manera hopi efectivo ta pa crea conscientisacion riba e tema aki dor di informa bo mes tocante e topico y tambe papia cu otro di e tema aki.

Parke  sa hanja varios pregunta tocante  kiko pa hasi ora encontra raton di anochi na cas. Imporante ta pa sa cu hopi biaha raton di anochi ta habita cas dor cu nan habitat natural ta diminuyendo. 

Den caso cu hanja un raton di anochi den cas (en especial den dak di cas) no tin un solucion specifico. Locual Parke por sugeri ta pa semper tin e dak di casnan bon seya. Tambe Parke ta investigando e posibilidadnan di casnan artifical paraton di anochi y lo kier informa pueblo tocante di esaki na debido tempo. Importante ta pa no causa daño na nos raton dianochi como e ta un especie cardinal den nos eco-sistema.

 

Parke kier a gracidici pueblo di Aruba pa su tremendo sosten durante di e transcurso di su investigacion.

Comentarionan (2)Add Comment
rod
January 22, 2013
201.229.30.156
Votes: -2
...

Un di e conclusion mas importante ta cu
mayoria di raton di anochi ta afilia na
partido MEP....!!!!

Aurelia
January 22, 2013
201.229.6.114
Votes: +1
...

Ami tin 5 luna biba den mi cas nobo y ya nos a haya dos raton di anochi den cas. Nan ta ataca hende? Mayoria biaha nan ta sali anochi anto den dia nan ta mane desmaya benta abao pero nan no ta morto. Loke nos a hasi te awor ta sake pafo laga nan bula bai pero toch e ta eng gevoel vooral paso nos tin un baby den cas. Mester mas info di e peliger nan si tin.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter