Wednesday, 01 October 2014
Veterinaire Dienst y Santa Rosa a ricibi e rapport encuanto di nos abehanan local Print E-mail
Monday, 21 January 2013 19:40

santa rosa

Na comienzo di 2012, Veterinaire Dienst di Aruba a ricibi un peticion pa importacion di Abejanan Africano. E asistencia di Santa Rosa a wordo pidi ya cu Santa Rosa a inicia recientemente cu servicionan di Apicultura y venta di tur equipo pa esaki y te hasta a installa un seccion cu cas nan di abeja como parti di un test pa studia nan desaroyo y yuda educa tur cunukero y publico en general encuanto di e importancia cu e abeja tin den e proceso di polinizacion di cosecha.

Na e mesun momento a drenta un peticion for di e Hogeschool di Den Bosch pa aproba un onderzoek door di un studiante di 3er ana. Inmediatamente Veterinaire Dienst conhuntamente cu Santa Rosa a bay di acuerdo pa laga e studiante hasi un estudio encuanto di Apicultura na Aruba y pa studia e impactonan di e importacion di abejanan Africano na nos isla. Na luna di July e studiante Stef Claessens a jega Aruba a cuminsa cu su estudio. Ela ricibi e cooperacion di diferente persona tanto den Veterinaire Dienst como tambe Santa Rosa pa e por a hasi su 6 luna di estudio. E estudio a concentra ariba e inventarisacion di e typo di Abejanan cu tin na Aruba, kiko ta e tipo di malesanan cu e abejanan local por ta sufri di dje y ki otro factornan por afecta e desaroyo di e abejanan. Tambe a studia kiko por ta consecuencia pa loke ta trata importacion di Abeja Africano of cualkier otro tipo. Despues di a analyza henter e scenario y tur informacion colecta, su conseho final ta pa evita importacion di Abejanan Africano cu door di ta hopi agresivo por forma un peliger pa nos Abejanan local cu ta un rasa hopi pasivo. Santa Rosa tin como meta pa concientiza tur hende encuanto di e importancia di Abeja pa e exito di hopi berdura y fruta y tambe ta sirbi pa producion di honing y otro productonan natural. Recientemente a tuma lugar un reunion di evaluacion na Santa Rosa cu presencia di Dr. Peter Barendsen, Director Interino di Veterinaire Dienst, e studiante Stef Claessens, Sra. Nathalie Maduro, Directora Santa Rosa, Sra. Rebecca Croes, Chef Seccion di Crianza Santa Rosa, Sr. Angelo Schenker, Wnd. Directeur Santa Rosa, Sr. Roberto Croes, Chief Planner Santa Rosa y Sr. Johnny Falconi, Apicultor Santa Rosa. Durante e reunion e studiante a duna un splicacion encuanto di su rapport. Na su turno ambos Director a gradici e studiante y na final Stef Claessens a entrega su rapport final na e dos Directornan presente. E studiante tambe a ricibi un bunita regalo como muestra di aprecia pa su entusiamo y bon trabou. Nos ta spera cu Veterinaire Dienst y Santa Rosa lo sigi traha ariba e tipo di projectonan asina cual sigur ta beneficioso pa e sector primario di Aruba. Una bes cu Santa Rosa ricibi e aprobacion official di e scol, nos lo entrega un copia di e rapport na tur Apicultor di Aruba como tambe na Biblioteca Nacional y Universidad di Aruba pa nos studiantenan tambe por tin accesso na e rapport. E rapport lo ser publica tambe ariba e website di Santa Rosa pa esnan cu mester copia di esaki.

Comentarionan (1)Add Comment
Venancio Maduro
January 21, 2013
206.48.100.154
Votes: +1
...

Pa hopi tin na Aruba un rasa di abeja hopi agresivo. Ami tawata un Apic*ltor pa hopi anja cu mester a bende tur su equipo dor di problema cu lomba.
E rasa di abeja aki mi a jega di hanje na un cas di un Holandes, cu tawata biba serca di Joe Cowboy su parke di animal. Mi a keda cu e rasa te cu mi ultimo dia nan como Apic*ltor.Ora cu mi a compara e abeja rabioso cu mi tawatin cu e sun di USA. Mi a mata tur abeja di USA, y mi a traha tur mi 100 caha di colonia na e sun cu mi a jega di hanja di e meneer Hulandes. Pa hopi anja nan tawata produci mas honey, cu caulkier cas di abeja cu tawatin antes. Nan por tawata Aficano, pero nunca mi a puntra, ja cu Venezuela tawata asina serca di nos, y nan tawatin Aficano na Venezuela. Un cos mi por bisa nan tawata masha agresivo. Mi tawatin hopi experiencia cu abeja, y mi a jega di busca abeja nobo tur parti di Aruba, pero nigun por a iguala loque e rasa ej a produci pami.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter