Saturday, 25 October 2014
Minister Plasterk: Mi bishita na Aruba tabata positivo y inspirativo Print E-mail
Monday, 21 January 2013 19:40

plasterk pc IMG 5399

Prome cu el a aborda avion pa continua cu su biahe den e parti Caribense di Reino, Minister di Asuntonan Exterior y Relacionnan di Reino Ronald Plasterk a papa un rato cu prensa di Aruba. El a cuminsa na gradici e isla pa su hospitalidad. “Danki cu mi por a tira un bista riba Aruba. Mi bishita tabata positivo y inspirativo.

Minister Plasterk a bisa di ta spera cu den e siman su dilanti e ta topa cu lidernan igual riba e otro islanan. “E ora nos por traha hunto con sigui keda conecta den Reino. Como lidernan politico nos mester realisa cu ta nos tarea pa mehora e bida di e ciudadano. Pa logra esey nos mester amplia nos bista mas leu cu e fronteranan di nos pais pa busca e cooperacion cu ta duna un balor agrega. Ta logico cu ta cuminsa na paisnan cu tin un relacion historico cu otro”. E mandatario Hulandes a haci algun palabracion concreto riba tereno di enseñansa. “Hopi hoben di Aruba ta bay studia na Hulanda. Pa por sigui nan estudio eynan nan mester domina e idioma Hulandes bon. Nos ta bay traha hunto pa percura pa logra esaki. Tambe e opcion t'ey pa studiantenan di Hulanda bin core stage na Aruba. Riba e tereno ey por logra hopi”. Riba e pregunta di prensa si e tin comentario riba e situacion financiero di Aruba Plasterk tabata masha corto. “Cada pais ta responsabel pa su finanzas. Mi no ta mete den asuntonan politico interno. Esey mester ta hopi cla. Den pasado nos a yega di haya nos mes confronta cu desaroyonan preocupante, pero gobierno a demostra di ta consciente di nan”. Diadomingo cu ta tras di lomba Plasterk tabatin un agenda enormemente pisa. El a remarca cu e tabatin un ‘speeddate’ cu un cantidad di 20 proyecto. E proyecto cu mas a impresion’e ta esun di Formacion Social. “Mi a topa cu un grupo di hoben cu ta siña con anda cu otro y ta haya e disciplina necesario cu nan mester di dje pa yega un caminda den bida”. E minister ta haya su cartera di Relacionnan di Reino uno dificil. “Un futuro conhunto di cuatro total diferente pais. Si e Marcianonan por a pinta e mundo, nunca nan o a agrupa Reino di e forma aki. Pero,cu un sentimento positivo mi ta bay en busca di e miho forma pa logra un miho cooperacion den interes di cada un di nos”.

Comentarionan (3)Add Comment
Kadushi
January 22, 2013
201.229.84.219
Votes: +4
...

Ik hoop ten zeerste dat Zijne Excellentie Plasterk, ook naar het volk heeft geluisterd en niet alleen politici van de regerende partij. Alles wordt zo mooi voorgesteld, U krijgt een klein selectieve gedeelte van Aruba te zien, om het cogerent te maken met het verhaal die U heeft gehoord. Weet U van de minimum-loners, hoge prijzen van levensmiddelen en utiliteit, discriminatie van bejaarden en gehandicapten.Het is niet alles dat green blinkt, is goud.
Vox populi, vox dei, maar daar heeft U niet naar geluisterd.

alfonsodindin
January 22, 2013
201.229.43.10
Votes: -1
...

hahahahahah evelyntje a keda ridic*lo cu su boeki. cada pais ta responsabel pa nan debe i asuntonan. loud and clear. e gobierno ta consiente di esei i tin e tin confiansa den mike i su gabinete. evelintje hunga cu pilintje, bo a fracasa, bo ta un fracaso como lider di mep. mihor bai babysit

rod
January 21, 2013
201.229.44.214
Votes: +1
...

Sr. Plasterk ta un hende inteligente cu
a mustra respet pa Aruba su gobierno y su vision....!!!
Hopi diferencia cu algun anja pasa na unda e Minister
encarga cu asunto di Reino mester pone un ultimatum na e
pandiya geel cu tabata suta nos pueblo...!!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter